ۇلتتىق سپورت تۋرالى زاڭ كەرەك - دەپۋتات

استانا. KAZINFORM - ۇلتتىق سپورت تۋرالى زاڭ كەرەك. مۇنداي ۇسىنىستى ءماجىلىس دەپۋتاتى قازىبەك الىشيەۆ جاسادى.

بۇگىن ءماجىلىستىڭ الەۋمەتتىك-مادەني دامۋ كوميتەتىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ، سونداي-اق نورمالاردى شەكتەن تىس (شەكتەن تىس) زاڭنامالىق رەتتەۋدى الىپ تاستاۋ تۋرالى» زاڭ جوباسى تالقىلاندى. ءىس-شارا بارىسىندا قازىبەك الىشيەۆ دەپتۋتتارعا زاڭ جوباسىن تانىستىرعان تۋريزم جانە سپورت ۆيتسە-ءمينيسترى سەرىك جاراسبايەۆتان ۇلتتىق سپورت تۇرلەرىن دامىتۋ ءۇشىن نە ىستەلىنەتىنىن سۇرادى.

«ۇلتتىق سپورت ۇلتتىق يدەولوگيامىزدى، قۇندىلىعىمىزدى دارىپتەيدى. وسى ورايدا مينيسترلىك ۇستانىمى قانداي؟ مەنىڭشە، ەلىمىزگە ارنايى ۇلتتىق سپورت تۋرالى زاڭ كەرەك. مۇنداي زاڭ قىرعىز رەسپۋبليكاسىندا، سونداي-اق رەسەي قۇرامىنا كىرەتىن تىۆا ەلىندە بار. ەلىمىزدە دە ۇلتتىق سپورتتى قولدايتىن وسىنداي زاڭ قابىلداۋعا نە كەدەرگى؟»، - دەدى ءماجىلىس دەپۋتاتى.

ساۋالعا جاۋاپ بەرگەن ۆيتسە-مينيستر ۇلتتىق سپورت تۇرلەرىن دامىتۋ ءۇشىن ارنايى زاڭ كەرەك بولۋى مۇمكىن ەكەندىگىن جوققا شىعارمادى.

«ءبىراق قازىرگى ۋاقىتتا 2029-جىلعا دەيىنگى سپورتتى دامىتۋ تۇجىرىمداماسى بەكىتىلگەن. وندا ۇلتتىق سپورتتى قولداۋدىڭ ءبىرقاتار قاعيداسى كورسەتىلگەن. مۇنان بولەك، بيىل قىركۇيەكتىڭ 8-15- كۇندەرى دۇنيەجۇزىلىك كوشپەندىلەر ويىندارىن وتكىزەمىز. ول دا ۇلتتىق سپورت تۇرلەرىن قامىتۋعا ۇلكەن اسەرىن تيگىزەدى دەپ سەنەمىز. سەبەبى ول كەزدە رەسمي تۇردە 20 سپورت تۇرىنەن جارىس وتەدى. 10 كورسەتىلىم سپورتى وتەدى. 100 دەن استام ەلدەن سپورتشى قاتىسادى»، - دەدى سەرىك جاراسبايەۆ.