«ۇلتتىق قور - بالالارعا»: 7 ميلليون جۋىق بالانىڭ شوتىنا قاراجات اۋدارىلدى
استانا. KAZINFORM -جىل باسىنان بەرى «ۇلتتىق قور - بالالارعا» جوباسى اياسىندا 6,9 ميلليون بالانىڭ ەسەپشوتىنا قاراجات اۋدارىلدى.
بۇل تۋرالى ق ر قارجى مينيسترلىگى بيۋدجەتتىك كرەديتتەۋ، ق ر ۇلتتىق قورى جانە قارجى سەكتورى ماسەلەلەرى بويىنشا ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازينوۆ مالىمدەدى.
«مەملەكەت باسشىسىنىڭ تاپسىرماسىنا سايكەس، 2024 -جىلدان باستاپ «ۇلتتىق قور - بالالارعا» جوباسى ىسكە اسىرىلادى باستادى. بۇل جاڭا قازاقستاندى قۇرۋ مەن ەكونوميكانىڭ ىرگەلى زاڭدىلىعى - ۇلتتىق بايلىقتى ادىلەتتى بولۋگە باعىتتالعان العاشقى قادام دەپ ايتۋعا بولادى. ۇلتتىق قوردىڭ سوڭعى 18 جىلداعى قالىپتاسقان ورتاشا ينۆەستيتسيالىق كىرىسىنىڭ ءمانى 695519269 ا ق ش دوللارى سوماسىنداعى قاراجات 6919131 بالاعا تەڭدەي ءبولىنىپ، ءاربىر بالانىڭ ەسەپشوتىنا 100,52 ا ق ش دوللارى مولشەرىندەگى نىسانالى سالىم ءتۇستى»، - دەدى ا. ارعىنعازينوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سپيكەردىڭ ايتۋىنشا، بيىل «ۇلتتىق قور - بالالارعا» قاراجاتىن 304815 بالا پايدالانا الادى.
«قازىرگى تاڭدا سالالىق مينيسترلىكتەردىڭ بۇيرىقتارىمەن قاراجاتتى ءبىلىم الۋ مەن تۇرعىن ءۇي جاعدايىن جاقسارتۋ ءۇشىن پايدالانۋ ءتارتىبى ايقىندالعان»، - دەدى ول.