ۇلتتىق قاۋىپسىزدىك كوميتەتى باسشىسىنىڭ اتىن جامىلعان بلوگەرلەر جالعان ۋادە بەرگەن
استانا. KAZINFORM - قىرعىزستاندا بەلگىلى بلوگەرلەر ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى قامچىبەك تاشيەۆتىڭ اتىن جامىلىپ، ازاماتتاردىڭ ءتۇرلى ماسەلەلەرىن قارجىلاي سىياقى ءۇشىن شەشۋگە ءسوز بەرگەن.
قىرعىزستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ مالىمەتىنشە، بلوگەرلەر ارنايى قىزمەت باسشىسىنىڭ اتىن جامىلىپ، اقشا تولەگەن جاننىڭ ماسەلەسىن شەشۋگە كومەكتەسەمىز دەپ ۋادە بەرگەن.
ۆەدومستۆونىڭ حابارلاۋىنشا، ۇ ق م ك ءتوراعاسى ازاماتتاردىڭ وتىنىشتەرىن قىرعىز رەسپۋبليكاسىنىڭ «ازاماتتاردىڭ وتىنىشتەرىن قاراۋ ءتارتىبى تۋرالى» زاڭىنىڭ نورمالارىنا سايكەس قاراستىرۋدا.
«كۇدىكتى تۇلعالار تاراپىنان ءتۇرلى جالعان سوزدەر مەن ىقتيمال الاياقتىق فاكتىلەرىنىڭ الدىن الۋ ءۇشىن ۆەدومستۆو حالىقتى زاڭسىز ارەكەتتەرگە بارماي، وعان زاڭدا بەلگىلەنگەن تارتىپپەن حابارلاسۋعا شاقىرادى»، - دەلىنگەن حابارلامادا.
اۆتور
ەركەجان سماعۇلوۆا