ۇلتتىق قاۋىپسىزدىك كوميتەتى اقمولا وبلىسىندا ەسىرتكى ارناسىنىڭ جولىن كەستى
11:23, 04 - ناۋرىز 2025
استانا. قازاقپارات - 2025 -جىلدىڭ اقپانىندا ۇ ق ك اقمولا وبلىسى بويىنشا دەپارتامەنتى پروكۋراتۋرا ورگاندارىنىڭ ۇيلەستىرۋىمەن ەلىمىزدىڭ وڭتۇستىك وڭىرلەرىنەن ەسىرتكى جەتكىزۋ ارناسىنىڭ جولىن كەستى.
سوت سانكسياسىمەن قازاقستاننىڭ ەكى ازاماتى قاماۋعا الىندى. ولاردان 15 ك گ «گاشيش» ەسىرتكى زاتى تاركىلەندى.
قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
ۇلتتىق قاۋىپسىزدىك كوميتەتى باس پروكۋراتۋرانىڭ ۇيلەستىرۋىمەن قازاقستاننىڭ وڭتۇستىك وبلىستارىنان استاناعا ەسىرتكى جەتكىزۋدىڭ وڭىرلىك ارناسىنىڭ جولىن كەسكەن ەدى.