ۇلتتىق ءبىرىڭعاي تەستىلەۋ-2024: ناتيجەلەر قانداي
استانا. KAZINFORM - ەلىمىزدە مەكتەپ تۇلەكتەرى ءۇشىن ماڭىزدى ناۋقان - ۇلتتىق ءبىرىڭعاي تەستىلەۋ ءوز مارەسىنە جەتتى. ەرتەڭنەن باستاپ قىز-جىگىتتەر ءبىلىم گرانتىن يەلەنۋ ءۇشىن ج و و- عا قۇجاتتار تاپسىرا باستايدى.
ايتا كەتۋ كەرەك، كەيىنگى جىلدارى تۇلەكتەرگە ۇ ب ت- نى ەكى رەت تاپسىرۋعا مۇمكىندىك بەرىلىپ وتىر. سايكەسىنشە، ەڭ ۇزدىك ناتيجەمەن ءبىلىم گرانتىن يەلەنۋگە ۇمىتكەر بولا الادى.
ق ر ع ج ب م جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ ءتوراعاسى گۇلزات كوبەنوۆانىڭ مالىمەتىنشە، بيىل تۇلەكتەر 326 مىڭ رەت ۇ ب ت تاپسىرعان. بۇل - وتكەن جىلدارمەن سالىستىرعاندا 20 مىڭعا ارتىق.
«139 مىڭ تۇلەك شەكتى بال جينادى. بىرەۋى ەڭ جوعارى 140 بالدى جيناسا، ەكى بالا 139 بالدى يەلەندى. ايتا كەتۋ كەرەك، ۇشەۋى دە - اۋىل مەكتەپتەرىنىڭ تۇلەكتەرى. ءبىر ۇپاي جيناعان تۇلەك تە بار»، - دەدى ول ورتالىق كوممۋنيكاتسيالار قىزمەتى الاڭىندا وتكەن بريفينگتە.
بەلگىلى بولعانداي، بيىل 79 مىڭعا جۋىق ءبىلىم گرانتى ۇلەستىرىلمەك. مەملەكەت باسشىسىنىڭ تاپسىرماسىنا سايكەس، گرانتتاردىڭ 60 پايىزى تەحنيكالىق ماماندىقتارعا بولىنگەن.
گۇلزات كوبەنوۆا كوپتەگەن تۇلەكتى، قالا بەردى اتا-انالاردى الاڭداتىپ وتىرعان سۇراققا جاۋاپ بەردى.
«تۇلەكتەر ءبىر قالادا ءجۇرىپ-اق ەلىمىزدىڭ وزگە قالاسىنداعى ج و و قۇجات تاپسىرا الادى. مىسالى، اقتاۋ قالاسىنداعى تۇلەك سول جەردەگى ج و و ارقىلى نەمەس ونلاين فورماتتا الماتى قالاسىنداعى جوعارى وقۋ ورنىنا قۇجاتتارىن وتكىزە الادى»، - دەدى سپيكەر.