ۇلتتىق بانك قاڭتاردا ۇلتتىق قوردان $1,1 ميللياردقا دەيىن ۆاليۋتا ساتۋدى جوسپارلاپ وتىر
ۇلتتىق بانك بىلتىرعى تەڭگە ديناميكاسىنا باعا بەردى. جەلتوقسان ايىنىڭ قورىتىندىسى بويىنشا، تەڭگە باعامى 1 ا ق ش دوللارىنا — 454,69 تەڭگەگە دەيىن 0,8 پايىز نىعايدى. قازاقستان قور بيرجاسىنداعى ساۋدا-ساتتىقتىڭ ورتاشا كۇندىك كولەمى ءبىر ايدا 192 ميلليوننان 176 ميلليون ا ق ش دوللارىنا دەيىن تومەندەدى.
ساۋدا-ساتتىقتىڭ جالپى كولەمى - 3,5 ميلليارد ا ق ش دوللارى، دەپ حابارلايدى Kazinform.
ۇلتتىق قوردان رەسپۋبليكالىق بيۋجەتكە تۇسەتىن ترانسفەرتتەردى قامتاماسىز ەتۋ جانە «قازمۇنايگاز» ۇ ك ا ق اكسيالارىن ساتىپ الۋ ءۇشىن جەلتوقساندا 646 ميلليون ا ق ش دوللارىنا ۆاليۋتا ساتىلدى.
«ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 18 پايىزىن جانە كۇنىنە 34 ميلليون ا ق ش دوللارىنان اسپايتىن مولشەردى قۇرادى. ۇلتتىق بانك ۇلتتىق قوردىڭ قاراجاتىمەن وپەراتسيا جۇرگىزۋ كەزىندە نارىقتىق بەيتاراپ قاعيداتىن ساقتايدى. بۇل شەتەل ۆاليۋتاسىن ۇدايى جانە بىركەلكى ساتۋ دەگەندى بىلدىرەدى. بۇل تاجىريبە ۇلتتىق قور وپەراتسيالارىنىڭ ۆاليۋتا نارىعىنا اسەرىن بارىنشا ازايتۋعا مۇمكىندىك بەرەدى. ۇلتتىق بانك ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن 30 پايىز دەڭگەيىندە ۇستاپ تۇرۋ ءۇشىن جەلتوقساندا بيرجالىق ساۋدا-ساتتىقتا شەتەل ۆاليۋتاسىن ساتىپ الۋدى جالعاستىردى. ونىڭ جالپى سوماسى - 191 ميلليون ا ق ش دوللارى نەمەسە نارىقتىڭ جالپى كولەمىنىڭ شامامەن 5 پايىزى» دەپ حابارلادى بۇگىن ۇ ب باسپا ءسوز قىزمەتى.
«قازاقستاننىڭ دەپوزيتتەرگە كەپىلدىك بەرۋ قورى» ا ق (ق د ك ق) اكتيۆتەرىنىڭ ۆاليۋتالىق ۇلەسىن ۇلعايتۋ اياسىندا ۇلتتىق بانك جەلتوقساندا 30 ميلليون ا ق ش دوللارى مولشەرىندە ۆاليۋتا ساتىپ الدى.
ۇلتتىق بانك جەلتوقساندا ۆاليۋتالىق ينتەرۆەنتسيا جۇرگىزگەن جوق.
ۇكىمەتتىڭ الدىن الا بولجامدى ءوتىنىمى بويىنشا رەسپۋبليكالىق بيۋجەتكە ترانسفەرت بولۋگە 2024-جىلعى قاڭتاردا ۇلتتىق بانك ۇلتتىق قوردان 1 دەن 1,1 ميلليارد ا ق ش دوللارىنا دەيىنگى مولشەردە ۆاليۋتا ساتپاق.
2024-جىلعى قاڭتاردا ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن ۇستاپ تۇرۋ ءۇشىن ۆاليۋتا ساتىپ الۋ 100 ميلليوننان 200 ميلليون ا ق ش دوللارىنا دەيىنگى مولشەردە، ق د ك ق اكتيۆتەرىنىڭ ۆاليۋتالىق ۇلەسىن ارتتىرۋ ءۇشىن ۆاليۋتا ساتىپ الۋ 30 ميلليون ا ق ش دوللارىنا دەيىنگى مولشەردە كۇتىلىپ وتىر.
«ۇلتتىق بانك اشىقتىق قاعيداتى اياسىندا ۆاليۋتا نارىعىندا جۇرگىزىلەتىن بارلىق وپەراتسيا تۋرالى اقپاراتتى مەيىلىنشە تولىق اشىپ كورسەتۋدى كوزدەيدى. قىسقامەرزىمدى پەرسپەكتيۆادا تەڭگەنىڭ ديناميكاسى نارىققا قاتىسۋشىلاردىڭ كۇتۋلەرىنە، توقساندىق سالىق تولەمدەرىنە، الەمدىك نارىقتارداعى احۋالعا جانە گەوساياسي جاعدايدىڭ وزگەرۋىنە بايلانىستى بولادى. ۇلتتىق بانك تەڭگەرىمسىزدىكتىڭ جيناقتالۋىن بولدىرمايتىن جانە التىن-ۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانا بەرەدى» دەپ مالىمدەدى قارجى رەتتەۋشىسى.