ۇلتتىق بانك مامىر ايىندا ۇلتتىق قوردان 1 ميلليارد دوللار ساتۋى مۇمكىن
استانا. KAZINFORM - ءساۋىر ايىندا ۇلتتىق قوردان ىشكى نارىققا 968 ميلليون دوللار ساتىلعان. بۇل تۋرالى ۇلتتىق بانكتىڭ ۆاليۋتا نارىعى تۋرالى كەزەكتى اقپاراتىندا ايتىلعان.
- ءساۋىر ايىنىڭ قورىتىندىسى بويىنشا تەڭگە باعامى 1 ا ق ش دوللارى ءۇشىن 512,48 تەڭگەگە دەيىن (%1,6 عا) السىرەدى. قازاقستان قور بيرجاسىنداعى ساۋدا-ساتتىقتىڭ ورتاشا ءبىر كۇندىك كولەمى ءبىر ايدا 243 ميلليون دوللاردان 246 ميلليون دوللارعا دەيىن ۇلعايدى. ساۋدا- ساتتىقتىڭ جالپى كولەمى 5,4 ميلليارد دوللار بولدى. ساۋىردە ۇلتتىق قوردان 968 ميلليون ا ق ش دوللارىنا ۆاليۋتا ساتىلدى. بۇل رەسپۋبليكالىق بيۋدجەتكە ترانسفەرت ءبولۋدى قامتاماسىز ەتۋگە مۇمكىندىك بەردى. ۇلتتىق قوردان ساتۋ ۇلەسى جالپى ساۋدا- ساتتىق كولەمىنىڭ ى، - دەپ جازادى ۇلتتىق بانكتىڭ رەسمي سايتى.
باسقاشا ايتساق، وتكەن ايدا كۇن سايىن ۇلتتىق قوردان شامامەن 44 ميلليون دوللار ساتىلىپ وتىرعان.
- رەسپۋبليكالىق بيۋدجەتكە ترانسفەرت بولۋگە ارنالعان ۇكىمەتتىڭ الدىن الا بولجامدى وتىنىمدەرىنە سۇيەنسەك، مامىردا ۇلتتىق بانك ۇلتتىق قوردان 950 ميلليون دوللاردان 1050 ميلليون دوللارعا دەيىنگى مولشەردە ۆاليۋتا ساتىلادى دەپ بولجايدى. ۇلتتىق بانك ساۋىردە ۆاليۋتالىق ينتەرۆەنتسيا جۇرگىزگەن جوق، - دەلىنگەن رەسمي مالىمەتتە.
بۇعان دەيىن ۇلتتىق بانك قازاقستان ەكونوميكاسى 3 ايدا %5,8 ءوسىم كورسەتكەنىن ءمالىم ەتكەن بولاتىن.