استانادا وتكەن باسپا ءسوز ءماسليحاتىندا تىلشىلەر بۇل عيماراتتىڭ قۇرىلىسىنا جۇمسالعان قارجى سوماسىنا قاتىستى سۇراق قويدى.
- عيماراتتىڭ قۇرىلىسى اياقتالدى. نىساننىڭ تەحنيكالىق اشىلۋى ءوتتى. نەگە تەحنيكالىق؟ ويتكەنى قاۋىپسىزدىك، اقپاراتتىق-كوممۋنيكاتسيالىق ماسەلەلەرىمىزدىڭ بارلىق ەرەكشەلىگىن ەسكەرە وتىرىپ، ءالى دە جۇمىس جالعاسىپ جاتىر. قازان ايىنىڭ سوڭىنا دەيىن تولىق كوشەمىز دەپ ۇمىتتەنەمىن، - دەدى ت. سۇلەيمەنوۆ.
وسى ورايدا ول عيماراتتىڭ جوباسىن الەمگە تانىمال زاحا حاديدتىڭ ساۋلەت بيۋروسى ازىرلەگەنىن، سونداي-اق بۇل نىسان استاناداعى ەڭ اسەم عيماراتتاردىڭ ءبىرى بولاتىنىن ايتتى.
- دەگەنمەن قانشا جۇمساعانىمىزدى ايتا المايمىن، سەبەبى بۇل اقپارات «قۇپيا» ساناتىنا جاتادى. سوندىقتان ونى جاريا ەتە المايمىن. قارجىلاندىرۋ ۇلتتىق بانكتىڭ بيۋجەتىنەن باعىتتالدى، - دەدى ۇ ب باسشىسى.
بۇدان بۇرىن حابارلانعانداي، ۇلتتىق بانك بازالىق مولشەرلەمەنى عا دەيىن كوتەردى.