ۇلتتىق بانك بازالىق مولشەرلەمەنى %16,5 دەڭگەيىندە قالدىردى
استانا. KAZINFORM - قازاقستان رەسپۋبليكاسى ۇلتتىق بانكىنىڭ اقشا- كرەديت ساياساتى كوميتەتى بازالىق مولشەرلەمەنى +/- 1 پ. ت. دالىزىمەن جىلدىق %16,5 دەڭگەيىندە بەلگىلەۋ تۋرالى شەشىم قابىلدادى.
شەشىم قابىلدانعاندا ناقتى دەرەكتەر، جاڭارتىلعان بولجامداردى تالداۋ مەن ينفلياتسيا تاۋەكەلدەرىنىڭ بالانسىن باعالاۋ كورسەتكىشتەرى ەسكەرىلدى.
مامىر ايىنىڭ قورىتىندىسى بويىنشا جىلدىق ينفلياتسيا ,3 عا جەتتى. سوڭعى ايلاردا باعانىڭ وسۋىنە تۇرتكى بولعان نەگىزگى قوزعاۋشى فاكتور - رەتتەلەتىن تاريفتەر مەن نارىقتىق قىزمەتتەردىڭ ايتارلىقتاي قىمباتتاۋىنا بايلانىستى سەرۆيستىك ينفلياتسيا بولىپ وتىر.
باعانىڭ ءوسۋ قارقىنى ازىق- تۇلىك تاۋارلارى بويىنشا دا جەدەلدەگەنى بايقالدى. مامىردا ايلىق ينفلياتسيا تاريحي ديناميكادان ايتارلىقتاي اسىپ، %0,9 بولدى. بازالىق جانە ماۋسىمدىق اسەرلەردەن تازارتىلعان ينفلياتسيا كورسەتكىشتەرى ءبىر جىلعا ەسەپتەگەندە تيىسىنشە ,1 دى جانە ,4 دى قۇرادى. وسىنىڭ بارلىعى تۇتىنۋشىلىق سۇرانىستىڭ قايتا ارتۋىنان، ءوندىرىس شىعىندارىنىڭ وسۋىنەن، سونداي-اق فيسكالدىق ىنتالاندىرۋدىڭ جالعاسۋىنان باعاعا قىسىم ساقتالىپ وتىرعانىن كورسەتەدى.
مامىردا حالىقتىڭ ينفلياتسيالىق كۇتۋلەرى ساۋىردەگى ,2 عا قاراعاندا ,1 عا دەيىن ءوستى. بۇل كەلەشەك ينفلياتسياعا قاتىستى قۇبىلمالىلىق پەن بەلگىسىزدىك ساقتالىپ قالعانىن كورسەتەدى.
سىرتقى سەكتور تاراپىنان دا باعاعا قىسىم كۇشەيە ءتۇستى. بۇل رەسەيدەگى جوعارى ينفلياتسيانىڭ ساقتالۋىنا، جوعارى سۇرانىس پەن ۆاليۋتالىق اۋىتقۋلار اياسىندا الەمدىك ازىق-تۇلىك باعاسىنىڭ وسە تۇسۋىنە، سونداي-اق ساۋدا قاقتىعىستارىنىڭ كۇشەيۋىنەن جانە شيكىزات تاۋارلارى باعاسىنىڭ قۇبىلمالىلىعىنان تۋىنداعان جوعارى بەلگىسىزدىككە بايلانىستى. جاھاندىق باعا ورنىقتى تۇردە ءوسۋ ۇردىسىندە قالدى. ساۋدا- ساتتىقتاعى شيەلەنىس ينفلياتسيالىق تاۋەكەلدەردى كۇشەيتىپ، ونەركاسىپ پەن قىزمەت كورسەتۋ سەكتورىندا ىسكەرلىك بەلسەندىلىكتى تەجەي ءتۇستى.
وسى جاعدايلاردا نارىق تاراپىنان ساياساتتى ودان ءارى جۇمسارتۋعا قاتىستى كۇتۋلەر بولعانىمەن، ورتالىق بانكتەردىڭ ريتوريكاسى ءالى دە ۇستامدى قالپىن ساقتاپ وتىر.
وسىعان دەيىن ۇلتتىق بانكتىڭ اقشا-كرەديت ساياساتى كوميتەتى بازالىق مولشەرلەمەنى +/- 1 پايىزدىق تارماق دالىزىمەن جىلدىق ,5 دەڭگەيىندە بەلگىلەۋ تۋرالى شەشىم قابىلداعانى تۋرالى جازدىق.