ۇلتتىق بانك «بايتەرەككە» 170 ميلليارد زەينەتاقى قارجىسىن سالدى
استانا. KAZINFORM - ۇلتتىق بانك ب ج ز ق- دان «بايتەرەك» ۇلتتىق باسقارۋشى حولدينگى» ا ق وبليگاتسيالارىنا 173 ميلليارد تەڭگە ينۆەستيتسيا سالدى. بۇل تۋرالى ۇلتتىق بانكتىڭ باسپا ءسوز قىزمەتى مالىمدەدى.
ءبىرىڭعاي جيناقتاۋشى زەينەتاقى قورىنىڭ قاراجاتى ءىرى جوبالاردى قارجىلاندىرۋعا باعىتتالماق.
بەلگىلى بولعانداي، وبليگاتسيالاردىڭ جىلدىق كىرىسى بولادى، ال اينالىم مەرزىمى - 15 جىل.
ۇلتتىق بانكتە وبليگاتسيالاردى ساتىپ الۋ تۋرالى شەشىم ەكونوميكانىڭ ناقتى سەكتورىنىڭ ۇزاق مەرزىمدى ءىرى جوبالارىن قارجىلاندىرۋ ءۇشىن 2024-2025-جىلدار ىشىندە جوسپارلانعان ب ج ز ق زەينەتاقى اكتيۆتەرىن ينۆەستيتسيالاۋ شەڭبەرىندە قابىلدانعان.
ۇلتتىق بانكتىڭ مالىمەتىنشە، قازاقستان قور بيرجاسىندا وبليگاتسيالاردى ورنالاستىرۋدىڭ جالپى كولەمى - 190 ميلليارد تەڭگە.
«وبليگاتسيالاردى ساتىپ الۋ سالىمشىلاردىڭ زەينەتاقى جيناقتارى بويىنشا ساقتاۋدى قامتاماسىز ەتۋ جانە ناقتى تابىستى الۋ جونىندەگى ۇزاق مەرزىمدى ماقساتتارعا سايكەس كەلەدى»، - دەدى ۇلتتىق بانكتىڭ باسپا ءسوز قىزمەتى تاراتقان اقپاراتتا.
ۇلتتىق بانك «بايتەرەككە» سالىنعان زەينەتاقى قارجىسى مەرزىمىنەن بۇرىن قايتارىلاتىنىن ايتتى.
«ەميتەنت جىل سايىن 5 جىل وتكەننەن كەيىن ۇستاۋشىلارعا تيەسىلى وبليگاتسيالاردىڭ ءبىر بولىگىن ولاردىڭ تالابى بويىنشا نومينالدى قۇنى بويىنشا باستاپقى ورنالاستىرۋ كولەمىنىڭ 10 پايىزىنا دەيىنگى مولشەردە ساتىپ الۋعا مىندەتتى»، - دەپ تولىقتىردى ۆەدومستۆو.
«بايتەرەك» ۇلتتىق باسقارۋشى حولدينگى» ا ق قاراجاتى كولىك ينفراقۇرىلىمىن دامىتۋعا جۇمسالماق.