ۇلتتىق بانك ۆاليۋتالىق ينتەرۆەنسياعا قاتىستى مالىمدەمە جاسادى

استانا. KAZINFORM - شىلدە ايىنىڭ قورىتىندىسى بويىنشا تەڭگە باعامى 1 ا ق ش دوللارى ءۇشىن 540,72 تەڭگەگە دەيىن، 4 پايىزعا السىرەدى. قازاقستان قور بيرجاسىنداعى ساۋدا- ساتتىقتىڭ ورتاشا ايلىق كولەمى ءبىر ايدا 235 ميلليون ا ق ش دوللارىنان 260 ميلليون ا ق ش دوللارىنا دەيىن ۇلعايدى. جالپى ساۋدا-ساتتىق كولەمى 5,7 ميلليارد ا ق ش دوللارى بولدى.

شىلدەدە ۇلتتىق قوردان 700 ميلليون ا ق ش دوللار كولەمىندە ۆاليۋتا ساتىلدى. بۇل رەسپۋبليكالىق بيۋدجەتكە ترانسفەرتتەر ءبولۋدى، سونداي-اق «تالدىقورعان- ءۇشارال» ماگيسترالدىق گاز قۇبىرىن سالۋ جونىندەگى ينفراقۇرىلىمدىق جوبانى قارجىلاندىرۋدى قامتاماسىز ەتۋگە مۇمكىندىك بەردى. ۇلتتىق قوردىڭ ساتۋ ۇلەسى جالپى ساۋدا كولەمىنىڭ 12 پايىزىن، نەمەسە كۇنىنە شامامەن 32 ميلليون ا ق ش دوللارى بولدى.

- ۇكىمەتتىڭ رەسپۋبليكالىق بيۋدجەتكە ترانسفەرتتەر بولۋگە ارنالعان الدىن الا بولجامدى وتىنىمدەرى بويىنشا تامىزدا ۇلتتىق بانكتىڭ ۇلتتىق قوردان 400 ميلليون ا ق ش دوللارىنان 500 ميلليون ا ق ش دوللارىنا دەيىن ۆاليۋتا ساتاتىنى كۇتىلەدى.

«تەڭەستىرۋ» وپەراتسياسى اياسىندا شىلدەدە 290 ميلليارد تەڭگە الىندى. تامىز ايىندا وسى ماقساتتا شامامەن 290 ميلليارد تەڭگە بالاماسىندا ۆاليۋتا ساتۋ جوسپارلانىپ وتىر.

ۇلتتىق قوردىڭ قاراجاتىمەن وپەراتسيالار جۇرگىزۋ، سونداي-اق «تەڭەستىرۋ» تەتىگىن ىسكە اسىرۋ كەزىندە ۇلتتىق بانك نارىقتىق بەيتاراپ قاعيداتىن ساقتايدى، ول شەتەل ۆاليۋتاسىن تۇراقتى جانە بىركەلكى ساتۋدى بىلدىرەدى، - دەلىنگەن حابارلامادا.

30-شىلدەدە ۆاليۋتا نارىعىنداعى وتىمدىلىك بارىنشا تومەندەپ، الىپساتارلىق قىسىمنىڭ كۇشەيۋىنە بايلانىستى ۇلتتىق بانك 125,6 ميلليون ا ق ش دوللارى كولەمىندە ۆاليۋتالىق ينتەرۆەنتسيالار جۇرگىزدى.

ينتەرۆەنتسيالاردى جۇرگىزۋ الىپساتارلىق بەلسەندىلىكتى تومەندەتۋگە جانە نارىقتا قاجەتتى وتىمدىلىكتى قامتاماسىز ەتۋگە مۇمكىندىك بەردى.

كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمنىڭ ءبىر بولىگىن مىندەتتى ساتۋ نورماسى اياسىندا وتكەن ايدىڭ قورىتىندىسى بويىنشا ۆاليۋتالىق ءتۇسىمدى ساتۋ كولەمى شامامەن 450 ميلليون ا ق ش دوللارى بولدى.

- ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن ۇزاق مەرزىمدى كەزەڭدە كەمىندە @ دەڭگەيىندە ۇستاپ تۇرۋ ماقساتىندا ۇلتتىق بانك شىلدە ايىندا بيرجا ساۋدا- ساتتىعىندا شەتەل ۆاليۋتاسىن ساتىپ الدى، ونىڭ جالپى سوماسى 35 ميلليون ا ق ش دوللارىن نەمەسە جالپى ساۋدا- ساتتىق كولەمىنىڭ شامامەن 0,6 پايىزىن قۇرادى. اعىمداعى باعام دەڭگەيىندە بجزق ۆاليۋتا ۇلەسىنىڭ 40 پايىزدان اسۋىنا بايلانىستى تامىز ايىندا بجزق زەينەتاقى اكتيۆتەرى ەسەبىنەن ۆاليۋتا ساتىپ الۋ جوسپارلانبايدى.

ۇلتتىق بانك ترانسپارەنتتىلىك قاعيداتى اياسىندا ۆاليۋتا نارىعىنداعى بارلىق وپەراتسيا تۋرالى تولىق اقپاراتتى جاريالاپ وتىرادى. قىسقا مەرزىمدى پەرسپەكتيۆادا تەڭگە باعامىنىڭ ديناميكاسى نارىققا قاتىسۋشىلاردىڭ كۇتۋىنە، توقسان سايىنعى سالىق تولەمدەرىنە، الەمدىك نارىقتارداعى احۋالعا جانە گەوساياسي وزگەرىستەرگە بايلانىستى بولادى. ۇلتتىق بانك تەڭگەرىمسىزدىكتىڭ جيناقتالۋىنا جول بەرمەيتىن جانە التىنۆاليۋتا رەزەرۆتەرىنىڭ ساقتالۋىن قامتاماسىز ەتەتىن يكەمدى باعام بەلگىلەۋ رەجيمىن ۇستانادى، - دەلىنگەن ۇلتتىق بانك حابارلاماسىندا.

ايتا كەتەلىك 30-شىلدەدەگى ساۋدا-ساتتىق بارىسىندا تەڭگە باعامى ا ق ش دوللارى ءۇشىن 550 تەڭگەگە دەيىن جەتىپ، اي باسىنان بەرى 5,8 پايىزعا، ال جىل باسىنان بەرى 4,7 پايىزعا السىرەگەن ەدى.