ۇلتتار ليگاسى: قازاقستان قۇراماسىنىڭ ويىن كۇنتىزبەسى بەلگىلى بولدى

استانا. KAZINFORM - فۋتبولدان قازاقستان قۇراماسىنىڭ 2026/27 -جىلعى UEFA ۇلتتار ليگاسىنداعى ويىن كۇنتىزبەسى بەلگىلى بولدى.

وتانداستارىمىز الداعى ماۋسىمدا с ليگاسىنىڭ ءۇشىنشى توبىندا وينايتىن بولدى.

قارسىلاستارى - سلوۆاكيا، فارەر ارالدارى جانە مولدوۆا.

بۇل توپتاعى جەڭىمپاز قۇراما الداعى ماۋسىمدا В ليگاسىندا سىنعا تۇسەدى.

قازاقستان قۇراماسىنىڭ ويىن كەستەسى (استانا ۋاقىتىمەن)

26 -قىركۇيەك. 21:00. فارەر ارالدارى - قازاقستان

29 -قىركۇيەك. 23:45 سلوۆاكيا - قازاقستان

2 -قازان. 19:00. قازاقستان - مولدوۆا

6 -قازان. 19:00. قازاقستان - فارەر ارالدارى

14- قاراشا. 00:45. مولدوۆا - قازاقستان

16- قاراشا. 20:00. قازاقستان - سلوۆاكيا.

ايتا كەتسەك، 2024 -جىلى قازاقستان قۇراماسى В ليگاسىندا سىنعا ءتۇستى. ءوز توبىندا نورۆەگيا، اۆستريا، سلوۆەنيانى العا سالىپ، ءتورتىنشى ورىندى مىسە تۇتتى.

ءوز الاڭىندا نورۆەگيامەن 0:0 ەسەبىمەن ويناسا، سىرت الاڭدا ولارعا 0:5 ەسەبىمەن ەسە جىبەردى.

ال سلوۆەنياعا 0:3, 0:1، اۋسترياعا 0:4, 0:2 ەسەبىمەن جەڭىلدى.

ۇلتتار ليگاسى 2018 -جىلدان بەرى تۇراقتى تۇردە وتكىزىلىپ كەلەدى. قازىرگە دەيىن پورتۋگاليا، فرانسيا، يسپانيا قۇرامالارى چەمپيون اتاندى.

اۆتور

اقبوتا تۇرسىنبەك