ۇلتتار ليگاسى: قازاقستان ايەلدەر قۇراماسى بۇگىن ارمەنيامەن كەزدەسەدى

استانا. KAZINFORM - فۋتبولدان قازاقستان ايەلدەر قۇراماسى بۇگىن UEFA ۇلتتار ليگاسى ءتورتىنشى تۋرىندا ءوز الاڭىندا ارمەنيانى قابىلدايدى.

ويىن «استانا ارەنا» ستاديونىندا وتكىزىلەدى. كەزدەسۋ قازاقستاندىق ۋاقىتپەن 18:00 دە باستالىپ، «QazSport» تەلەارناسىنان تىكەلەي ەفيردە كورسەتىلەدى.

ەل قۇراماسى س ديۆيزيونى ءۇشىنشى توبىندا سىنعا ءتۇسىپ جاتىر. قارسىلاستارى - ارمەنيا، ليۋكسەمبۋرگ جانە ليحتەنشتەين.

العاشقى ەكى ويىندا قازاقستاندىق فۋتبولشىلار ارمەنياعا 0:2 ەسەبىمەن جەڭىلسە، ودان كەيىن ليۋكسەمبۋرگپەن 2:2 ەسەبىمەن تەڭ ءتۇستى. ال ءۇشىنشى تۋردا ليحتەنشتەيندى 4:0 ەسەبىمەن تىزە بۇكتىردى.

قازىر تۋرنير كەستەسىندە ەل قۇراماسى ءتورت ۇپايمەن ءۇشىنشى ورىندا تۇر. العاشقى ەكى ورىنداعى ليۋكسەمبۋرگتىڭ 7، ارمەنيانىڭ 6 ۇپايى بار. ءتورتىنشى ورىنداعى ليحتەنشتەيننىڭ ازىرگە قورجىنى بوس.

سوڭعى ەكى كەزدەسۋدە قازاقستاندىق فۋتبولشىلار 30-مامىردا ءوز الاڭىندا ليحتەنشتەيندى قابىلداسا، ودان كەيىن 3-ماۋسىمدا ليۋكسەمبۋرگپەن كەزدەسەدى.

بۇل توپتان العاشقى ەكى ورىنعا تۇراقتاعان قۇرامالار جارىستىڭ كەلەسى ساتىسىنا جولداما الادى. وندا ۆ ديۆيزيونىنا جولداما ساراپقا سالىنادى.