ۇلت ارحەولوگياسىنىڭ نەگىزىن قالاعان عالىم الكەي مارعۇلاننىڭ تۋعانىنا 120 جىل تولدى

استانا. KAZINFORM - الكەي مارعۇلان بۇكىل وداقتىق گەوگرافيا قوعامىنىڭ تولىق مۇشەسى, فيلولوگيا عىلىمىنىڭ دوكتورى، قازاق ك س ر-ىنىڭ ەڭبەك سىڭىرگەن عىلىم قايراتكەرى اتانعان. ونىڭ باستاماسىمەن شوقان ءۋاليحانوۆ شىعارمالارىنىڭ 5 تومدىق تولىق اكادەميالىق جيناعى جارىق كوردى.

الكەي مارعۇلاننىڭ فولكلورلىق زەرتتەۋلەرىنىڭ ماڭىزى زور.

عالىم «قازاق حالقىنىڭ ەپيكالىق جىر داستاندارى» تاقىرىبىندا ديسسەرتاتسيا قورعادى، عىلىمي ەڭبەك قازاق ادەبيەتى مەن تاريحىنداعى ىرگەلى زەرتتەۋلەردىڭ ناتيجەسى دەپ باعالاندى.

ادەبيەت تانۋشى «قازاق حالقىنىڭ كونە زامانداعى اقىندىق ونەرىنىڭ شەبەرلەرى» اتتى ەڭبەگىندە قازاق حالقىنىڭ ەپيكالىق جىر ءداستۇرىن دامىتقان اقىندارعا، شەبەر ورىنداۋشىلارعا، سال-سەرىلەرگە توقتالىپ، ولاردىڭ ءسوز ونەرىندەگى ورنىن ايقىندادى.

سونداي-اق قالامگەردىڭ «ءماشھۇر ءجۇسىپ مۇراسىنداعى تۇركى ەپوسى»، «دەكابريستەر جانە قازاقستان»، «الىشەر ناۋاي جانە قازاق مادەنيەتى»، «مۇحاممەد حايدار دۋلاتي - تاريحشى»، «شوقان ءۋاليحانوۆ جانە ورتا ازيا تاريحى»، «سۋۆوروۆ»، «جامبىل جابايەۆ» سىندى ەڭبەكتەرى جارىق كوردى.

عالىم تاريح، ارحەولوگيا، ەتنوگرافيا، ادەبيەت، ونەر جانە مەتاللۋرگيا سالاسىنا قاتىستى 300 دەن استام عىلىمي- زەرتتەۋ جۇمىسىن، 100 دەن استام ەنسيكلوپەديالىق ماقالا جازدى.

سونىمەن قاتار قازاقستاندىق ەتنوگرافتاردىڭ، ارحەولوگتاردىڭ، تاريحشىلاردىڭ بىرنەشە بۋىنىن تاربيەلەدى.

اۆتور
جانات قاپالبايەۆا