«كوپ اقشا جۇمسالدى جانە جوبا اياقتالعان جوق. ونى ءبارىمىز بىلەمىز، ايتىپ تا ءجۇرمىز. وكىنىشكە وراي، وسىنداي پروبلەما بار. ءيا، بۇل جوبا تابىس اكەلمەيدى. بۇل - قوسىمشا سۋبسيديالاناتىن قوعامدىق كولىكتىڭ ءتۇرى. ءبىراق، كەلەشەكتە ول كولىك ءدالىزىمىزدىڭ جۇكتەمەسىن تومەندەتەتىن بولادى. ادامدار ونى پايدالانا باستاعان كەزدە الەۋمەتتىك جوباعا اينالادى. ياعني، ونى بيزنەس جوبا رەتىندە قاراۋعا بولمايدى. تابىس اكەلمەيدى. ونىڭ تاريحىن، قانداي پروبلەمالار بولعانىن، قانشا قاراجات جۇمسالعانىن ەسكەرسەك، ساراپشىلاردىڭ پىكىرىنشە، جوبانى سوڭىنا دەيىن اياقتاپ، قوعامدىق كولىك رەتىندە قولدانىسقا بەرۋ ماقساتقا ساي كەلەدى. ەكونوميكالىق تۇرعىدان پايدا بولمايدى. ال الەۋمەتتىك تۇرعىدان قوعامدىق كولىك رەتىندە پايدالانىلادى دەپ ويلايمىز»، - دەدى التاي كولگىنوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.
سونىمەن قاتار قالا باسشىسى ЛРТ جوباسىنا قارىزعا الىنعان قاراجاتتى 5 جىلدىڭ ىشىندە قايتارۋ كەرەكتىگىن اتاپ ءوتتى.
«مۇنىڭ ۇستىنە جوبانى اياقتاۋ ءۇشىن قوسىمشا قاراجات تا قاجەت. ءبىراق، ول جوبانىڭ باستاپقى كەزەڭىندە كوزدەلگەن قاراجاتتان از. 1 ميلليارد دوللاردىڭ جارتىسى كەرەك»، - دەدى ەلوردا اكىمى.