«سوت وسى قىلمىستىق ءىس بويىنشا سوت تەرگەۋىن قايتا قوزعاۋ قاۋلىسىن شىعاردى. بۇل ءىس بويىنشا كەيبىر تۇسىنىكسىزدىك پەن كۇدىكتەر پايدا بولدى. وسى ورايدا تىيىم سالىنعان مۇلىك بويىنشا قارالىپ وتىرعان ىسكە بايلانىستى ءبىرقاتار ءمان-جايدى انىقتاۋ ءۇشىن جاسالدى»، - دەدى نۇر-سۇلتان قالالىق قىلمىستىق ىستەرى جونىندەگى مامانداندىرىلعان اۋدانارالىق سوتىنىڭ سۋدياسى قاجىمۇقان مەكەمتاس.
«ءىستىڭ ءمان-جايىن انىقتاۋ كەرەك. سوت تاراپىنان سوتتالۋشى ابدىحاميتوۆكە قاتىستى بىرنەشە سۇراق تۋىنداپ وتىر»، - دەدى سۋديا وتىرىس بارىسىندا. سوت ساعات 3.00 گە دەيىن ءۇزىلىس جاسادى.
ەسكە سالساق، ءىس سوتقا 2020 -جىلدىڭ 2-قازانىندا جولداندى. ەلورداداعى LRT ءىسى بويىنشا العاشقى سوت وتىرىسى 2020 -جىلدىڭ 29-قازانىنا بەلگىلەنگەن ەدى. سوتتالۋشىلار رەتىندە قالانىڭ جولاۋشىلار كولىگى جانە اۆتوكولىك جولدارى باسقارماسىنىڭ بۇرىنعى باستىعى راشيد امانجولوۆ، بۇرىنعى دەپۋتات ءارى ءماسليحات حاتشىسى جانات نۇرپەيىسوۆ، «Astana Innovations» ا ق بۇرىنعى باسشىسى تالعات ءاشىم، سونىمەن قاتار ءارتۇرلى كاسىپورىنداردىڭ قىزمەتكەرلەرى ۇلىقبەك اچيلوۆ، تيمۋر قاسابايەۆ، دۋلات مۇسەنوۆ پەن داۋرەن ابدىحاميتوۆ جاۋاپ بەرەتىنى حابارلانعان ەدى.