- نەگىزى LRT- نىڭ سالىنۋى وتە كوپ سالاعا اسەر ەتەدى. بىرىنشىدەن، LRT- نىڭ اينالاسىندا، ستانسيالارىنىڭ ماڭىندا كىشىگىرىم ساياباقتار سالىنىپ جاتىر. قازىر ساياباقتارعا ەرەكشە نازار اۋدارىلىپ جاتىر. ءبىزدىڭ نەگىزگى باعىتتارىمىز - ول جاعالاۋلار، LRT جانە ەسكى تاريحي كوشەلەر. تاريحي كوشەلەردە قازىر ۇيلەردىڭ قاسبەتتەرى جاڭعىرتىلىپ جاتىر، جاعالاۋدا اباتتاندىرۋ جۇمىستارى قارقىن الدى. ال LRT- نىڭ اينالاسىندا قويىلعان ۇلكەن ماقسات - سول جەرگە قوعامدىق كەڭىستىكتەر جاساۋ. ونىڭ اينالاسى جايلى، سەرۋەندەۋگە جانە دەمالۋعا بولاتىنداي قالىپتاسىپ جاتىر. سونىمەن قاتار، LRT- نىڭ بويىندا قازىر جاڭا وقۋ ورىندارى، جاڭاعى ۋنيۆەرسيتەتتەر سالىنىپ جاتىر. ماسەلەن، قالا قالىپتاستىرۋشى ونەركاسىپ دەگەن تۇسىنىك بار، ياعني ءبىر قالا شاحتانىڭ اسەرىنەن، ال كەيبىرى زاۆودتىڭ اسەرىنەن پايدا بولادى. بۇل رەتتە، LRT سوعان ۇقساس سيپاتتا، - دەدى نۇرقوجا باۋىرجان ۇلى.
وسى ورايدا مامان LRT سالىنعان جولدىڭ بويىندا ءتۇرلى ينفراقۇرىلىم دامىپ كەلە جاتقانىن ايتتى.
- «LRT- نىڭ قاسىندا» دەگەن ءسوزدىڭ ءوزى قازىر ءبىر مارتەبە بولىپ تۇر. ول جەردەگى بيزنەس، كوممەرتسيالىق ورىنداردىڭ باعاسى وسەدى، سونداي-اق ۇيلەردىڭ باعاسى دا وسەدى، سول ماڭداعى كوممۋنيكاتسيالار داميدى. سەبەبى ول جەرگە جەتۋ وڭاي. قازىر باسقا كەز كەلگەن كولىككە قاراعاندا، LRT- مەن ءجۇرۋ شىنىمەن دە جىلدام، ەشقاشان كەپتەلىستە تۇرمايدى. سوندىقتان ەندى LRT استانانى دامىتاتىن ءبىر كۇش دەپ ايتۋعا دا بولادى، - دەدى ساراپشى.
بۇعان دەيىن حابارلانعانداي، قازاقستاندا LRT نىساندارىنا ارنالعان پوليتسيا باسقارماسى قۇرىلادى.