«قازاقستانداعى LRT- نى سالۋدا CRRC Tangshan Co.، Ltd» ءوندىرۋشى زاۋىتتىڭ «TRITON» مودەلى قاراستىرىلعان. ونىڭ قىتايدا 100 جىلدان استام تاريحى بار. قۋاتى 115 KW جانە ماكسيمالدى سىيىمدىلىعى - 652 ادام، ماكسيمالدى جىلدامدىعى - 80 ك م/ساع. قۇرامدار تولىعىمەن اۆتوماتتاندىرىلعان جانە پيلوتسىز، ياعني وپەراتورسىز قاشىقتان باسقارۋ ارقىلى جۇرەدى. قازىرگى جولاۋشىلار اعىنىن تالداۋ ناتيجەسىندە LRT- نى تاۋلىگىنە 25 مىڭ ادام قولدانادى دەپ كۇتىلەدى» ، - دەلىنگەن حابارلامادا.
اكىمدىك اقپاراتىنا سايكەس، LRT ستانتسيالارىندا بارلىق قاۋىپسىزدىك پەن قولجەتىمدىلىك تالاپتارى ساقتالادى.
«بيلەتتەردى ساتىپ الۋ، اۆتوماتتاندىرىلعان تۇردە دە، ساۋدا الاڭدارى مەن سانيتارلىق- گيگيەنالىق توراپتارى بار كۇتۋ زالدارى جانە ادامداردىڭ وزدىگىنەن شىعۋىنا جول بەرمەيتىن جۇيەلەر قاراستىرىلعان. ستانتسياعا كوتەرىلۋ ءۇشىن ەسكالاتورلار جانە مۇگەدەك جاندار ارنالعان ليفتتەر بولادى»، - دەيدى ۆەدومستۆودان.
ودان بولەك، قابانباي باتىر داڭعىلى بويىندا 10 جەراستى جاياۋ جۇرگىنشىلەر وتكەلى جانە سىعاناق پەن ش. قالداياقوۆ كوشەلەرىندە 7 جەرۇستى وتكەلدەرى سالىناتىنى ايتىلدى.
LRT قۇرىلىسى بويىنشا استانادا سىعاناق، تۇركىستان كوشەسىندەگى قوزعالىسى قايتا اشىلاتىنى تۋرالى حابارلاعان ەدىك.