13:41, 12 مامىر 2026

ل ر ت جولاقىسىن قالاي تولەۋگە بولادى

استانا. KAZINFORM - ەلورداداعى LRT جولاقىسىن ارنايى LRT كولىك كارتاسى، ءبىر رەتتىك بيلەت، بانك كارتالارى جانە موبيلدى قوسىمشالار ارقىلى تولەۋگە بولادى. بۇل تۋرالى «City Transportation Systems» ج ش س باسقارما ءتوراعاسى اسىلبەك دۇيسەبايەۆ ايتتى.

Фото: Ағыбай Аяпбергенов/Kazinform

LRT كولىك كارتاسىنىڭ قۇنى 1000 تەڭگەنى قۇرايدى.

جولاۋشىلار جولاقىسىن Apple Pay جانە Samsung Pay سەرۆيستەرى ارقىلى سمارتفون نەمەسە اقىلدى ساعاتپەن تولەي الادى. سونىمەن قاتار، Halyk Bank پەن Kaspi Bank موبيلدى قوسىمشالارىنداعى QR كود ارقىلى تولەۋگە بولادى.

بۇدان بولەك، جولاۋشىلار ءبىر رەتتىك بيلەتتەردى LRT كاسسالارىنان نەمەسە ارنايى TVM اۆتوماتتارى ارقىلى ساتىپ الا الادى.

جەڭىلدىك جانە مەكتەپ كارتالارىن پايدالاناتىن جولاۋشىلار ءۇشىن جول ءجۇرۋ تەگىن بولادى. اتاپ ايتقاندا، استانادا تۇراقتى تىركەۋى بار 7-18 جاس ارالىعىنداعى وقۋشىلار، سونداي-اق قولدانىستاعى زاڭناماعا سايكەس جەڭىلدىك ساناتىنا كىرەتىن ازاماتتار LRT قىزمەتىن تەگىن پايدالانا الادى.

ال اتاۋلى LRT كولىك كارتاسىن راسىمدەۋ قۇنى 1200 تەڭگەنى قۇرايدى.

بۇعان دەيىن استانادا جۋرناليستەرگە LRT ۆاگوندارى تانىستىرىلىپ، ولاردىڭ قىستا -30 گرادۋسقا دەيىنگى ايازدا سىناقتان وتكەنى حابارلانعان ەدى.

قوعام ەكونوميكا
Ризабек Нүсіпбекұлы
«Қазақ тілі мен әдебиеті» мамандығының магистрі. 2009 жылдан бері "ҚазАқпарат" Халықаралық ақпарат агеніттігінде қызмет атқарады. "ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері. Халықаралық, Республикалық жыр мүшәйраларының жүлдегері.