ءبىرىنشى كەزەڭدە قاتىسۋشىلار تەوريالىق ءبىلىم الىپ، تەستىلەۋدەن ءساتتى ءوتتى. قازىرگى ۋاقىتتا ولار ەكىنشى مودۋلدى وقۋعا كىرىستى، ودان كەيىن قىتايعا بارىپ، پراكتيكالىق ساباقتار مەن تاعىلىمدامادان وتەدى.
- 2025 -جىلعى 1-قىركۇيەككە دەيىن ەسەپتەلگەن وقىتۋ باعدارلاماسى استانا قالاسىندا (قازاقستان) جانە تيانجين قالاسىندا (ق ح ر) ىسكە اسىرىلادى. ونىڭ ماقساتى — LRT جۇيەلەرىن پايدالانۋ، تەحنيكالىق قىزمەت كورسەتۋ جانە جوندەۋ بويىنشا ماماندار دايارلاۋ. ساباقتاردى تيانجين مەتروپوليتەنى مەن چىنجوۋ تەمىرجول كاسىپتىك- تەحنيكالىق ۋنيۆەرسيتەتىنىڭ ساراپشىلارى جۇرگىزەدى، - دەلىنگەن حابارلامادا.
2024 -جىلعى قاراشادان 2025 -جىلعى قاڭتارعا دەيىن باعدارلاماعا قاتىسۋعا 140 ءوتىنىم بەرىلدى، ونىڭ ىشىندە 29 ۇمىتكەر ىرىكتەلدى. ولاردىڭ قاتارىندا استانا قالاسىنىڭ 15 تۇرعىنى، سونداي-اق الماتى، تاراز، ەسىل، پاۆلودار، كوكشەتاۋ، ارقالىق، قاراعاندى، ەكىباستۇز، قىزىلوردا جانە اباي ءوڭىرىنىڭ وكىلدەرى بار. ءبىلىم الۋشىلاردىڭ ورتاشا جاسى 33 جاستى قۇرايدى.
باعدارلاما قالالىق تەمىرجول كولىگىنىڭ نەگىزدەرىن، ونىڭ جۇيەلەرىنىڭ نەگىزگى كومپونەنتتەرىن جانە توتەنشە جاعدايلار كەزىندەگى ارەكەت الگوريتمدەرىن وقىپ- ۇيرەنۋدى قامتيدى.
وقىتۋ LRT قۇرىلىسىن جۇزەگە اسىرۋعا ارنالعان EPC كەلىسىمشارتى شەڭبەرىندە جۇرگىزىلەدى جانە ونى مەردىگەر «China Railway Asia-Europe Construction Investment» كومپانياسى جۇزەگە اسىرادى.
وسىعان دەيىن استانا اكىمى LRT قۇرىلىسىنىڭ بارىسى تۋرالى ايتتى.