بۇل تۋرالى اقوردانىڭ باسپا ءسوز قىزمەتى حابارلادى.
1986 -جىلى 27 - ماۋسىمدا كەنتاۋ قالاسىندا دۇنيەگە كەلدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەگى. ساياسات تانۋشى، الەۋمەتتىك عىلىمدار ماگيسترى.
ءال- فارابي اتىنداعى قازۇۋ- دىڭ فيلوسوفيا جانە ساياساتتانۋ فاكۋلتەتىن بىتىرگەن.
ەڭبەك جولىن «جاستار ءۇنى» جاستار قوعامدىق ۇيىمىندا مامان رەتىندە باستاپ، كەيىننەن 2009 -جىلى ءتوراعا بولدى.
2012-2015 -جىلدارى تاريح ءپانىنىڭ مۇعالىمى، قازاقستان كوممۋنيستىك حالىق پارتياسىنىڭ الماتى قالالىق فيليالىندا يدەولوگيا جانە ناسيحات جونىندەگى حاتشى قىزمەتتەرىن قوسا اتقاردى.
2016 -جىلدان 2017 -جىلعا دەيىن الماتى قالاسى اكىمدىگىنىڭ جاستار جوبالارى جانە ۇيىمداستىرۋ جۇمىستارى ءبولىمىنىڭ باسشىسى، جاستار ساياساتى ماسەلەلەرى باسقارماسىنىڭ باسشىسى لاۋازىمدارىندا ەڭبەك ەتتى.
2017 -جىلى 28- دۇنيەجۇزىلىك قىسقى ۋنيۆەرسيادانى وتكىزۋ بارىسىندا 3000 ۆولونتەر جۇمىسىن ۇيىمداستىرىپ، ولارعا باسشىلىق ەتتى.
2017 -جىلدان 2018 -جىلعا دەيىن اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تاربيە جۇمىسى دەپارتامەنتىنىڭ ديرەكتورى بولدى.
2019 -جىلى نۇر- سۇلتان قالاسى اكىمىنىڭ الەۋمەتتىك ماسەلەلەر جونىندەگى كەڭەسشىسى.
2020-جىلى «Nur Otan» پارتياسى جانىنداعى «Jas Otan» جاستار قاناتىنىڭ ءتوراعاسى.
2021 -جىلعى قاڭتاردان 2023 -جىلعى قاڭتارعا دەيىن - جەتىنشى شاقىرىلعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.
2023 -جىلعى قاڭتاردان 2023 -جىلعى تامىز - «AMANAT» پارتياسىنىڭ اتقارۋشى حاتشىسى.
2023 -جىلدىڭ ناۋرىزىنان باستاپ قازىرگى ۋاقىتقا دەيىن - سەگىزىنشى شاقىرىلعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «AMANAT» پارتياسى فراكتسياسىنىڭ جەتەكشىسى.
«قۇرمەت» وردەنىمەن (2021 ج. )، «قازاقستان رەسپۋبليكاسىنىڭ تاۋەلسىزدىگىنە 25 -جىل» (2016 ج. )، «حالىق العىسى» (2020 ج.)، «قازاقستان رەسپۋبليكاسىنىڭ تاۋەلسىزدىگىنە 30 جىل» (2021 ج.) مەدالدارىمەن، قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. ءا. نازاربايەۆتىڭ (2016 ج., 2020 ج.)، قازاقستان رەسپۋبليكاسىنىڭ پرەزيدەنتى ق. ك. توقايەۆتىڭ (2019 ج., 2020 ج.) العىس حاتتارىمەن ماراپاتتالعان.
وسىعان دەيىن باس پروكۋراتۋرانىڭ اكتيۆتەردى قايتارۋ جونىندەگى قىزمەتىنىڭ باستىعى اۋىسقانى تۋرالى جازدىق.