گۇلميرا ساتىبالدىعا قاتىستى تاعى ءبىر قىلمىستىق ءىس تەرگەلىپ جاتىر
استانا. KAZINFORM - اقپاراتتى سىبايلاس جەمقورلىققا قارسى ءىس-قيمىل اگەنتتىگى راستادى.
- قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) ساتىبالدى ع. ق. جانە باسقا دا تۇلعالارعا قاتىستى «VOSTOCHKA» كوپفۋنكتسيونالدى تۇرعىن ءۇي كەشەنىن سالۋ كەزىندەگى زاڭسىز ارەكەتتەر فاكتىسى بويىنشا قىلمىستىق ءىستى تەرگەپ جاتقانىن حابارلايمىز، - دەلىنگەن اگەنتتىك ءتىلشىسىنىڭ ساۋالىنا بەرگەن جاۋابىندا.
قىلمىستىق-پروتسەسسۋالدىق كودەكستىڭ 201-بابىنا سايكەس، تەرگەۋ مۇددەسىنە قاتىستى وزگە دە مالىمەتتەر جاريالانبايدى.
ەسكە سالا كەتسەك، 2024-جىلدىڭ تامىزىندا سوت كاسىپكەر قايرات ساتىبالدى ۇلىنىڭ بۇرىنعى زايىبى گۇلميرا ساتىبالدىنى ءۇش باپ: باس بوستاندىعىنان زاڭسىز ايىرۋ، بوپسالاۋ جانە وزبىرلىق بويىنشا كىنالى دەپ تانىعان بولاتىن.
ول مۇلكى تاركىلەنىپ، 12 جىلعا باس بوستاندىعىنان ايىرىلدى. ونىڭ كومەكشىسى ءارى جۇرگىزۋشىسى ءمادي باتىرشايەۆ تا زاڭسىز باس بوستاندىعىنان ايىرۋ ءۇشىن كىنالى دەپ تانىلىپ، 9 جىلعا سوتتالدى.
2023-جىلدىڭ كوكتەمىندە گۇلميرا ساتىبالدى مەن ونىڭ قاراماعىنداعىلارعا تاعى ءبىر ءىس بويىنشا ۇكىم شىقتى. ول ءۇش باپ بويىنشا 7 جىلعا سوتتالدى. ونىمەن بىرگە ءمادي باتىرشايەۆ تا 7 جىلعا باس بوستاندىعىنان ايىرىلدى.