استانا. KAZINFORM - مەملەكەتتىك ءبىلىم بەرۋ تاپسىرىسى نەگىزىندە ءبىلىم العان قر ازاماتتارىن جۇمىسقا جىبەرۋ، بيۋدجەتتەن جۇمسالعان شىعىنداردى وتەۋ، ءوز بەتىنشە جۇمىسقا ورنالاسۋ قۇقىعىن بەرۋ، جۇمىسپەن وتەۋ مىندەتىنەن بوساتۋ نەمەسە نە ونى توقتاتۋ قاعيدالارى وزگەرتىلدى. ءتيىستى بۇيرىققا ق ر عىلىم جانە جوعارى ءبىلىم ءمينيسترى 2026 -جىلعى 6-تامىزدا قول قويدى.
- قازاقستان رەسپۋبليكاسىنىڭ ازاماتتارى مەملەكەتتىك ءبىلىم بەرۋ تاپسىرىسى نەگىزىندە اۆياتسيالىق ماماندىقتار بويىنشا ءبىلىم العان جاعدايدا، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىن اياقتاعاننان كەيىن مەنشىك نىسانىنا قاراماستان ۇيىمداردا كەمىندە 5 جىل، ال باسقا ماماندىقتار بويىنشا كەمىندە 3 جىل ەڭبەك ەتۋگە مىندەتتى، - دەلىنگەن قۇجاتتا.
سونداي-اق، مەملەكەتتىك ءبىلىم بەرۋ تاپسىرىسى نەگىزىندە بەيىن بويىنشا دوكتورانتۋرادا ءبىلىم العان ق ر ازاماتتارىنا دا تالاپتار بەكىتىلدى.
ولار وقۋ مەرزىمى اياقتالعاننان كەيىن، ءبىلىم بەرۋ ۇيىمدارىندا، عىلىمي ۇيىمداردا، ءبىلىم بەرۋ باعدارلاماسىنىڭ بەيىنىنە سايكەس كەلەتىن مەملەكەتتىك ورگانداردا جانە وزگە دە ۇيىمداردا كەمىندە 3 جىل ەڭبەك ەتۋگە مىندەتتەلدى.
بۇيرىق 25-تامىزدان باستاپ قولدانىسقا ەنگىزىلەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан