— رەفورمالاردىڭ ينستيتۋتسيونالدىق نەگىزدەرىن كۇشەيتۋ اياسىندا ءتيىستى كەشەندى جوسپار قابىلداناتىن بولادى. مەملەكەتتىك قىزمەتكەرلەر ءۇشىن جاڭا ەتيكالىق ستاندارتتار مەن قاعيداتتار ەنگىزىلەدى. جۇرگىزىلىپ جاتقان وزگەرىستەردىڭ ستراتەگيالىق باعدارى رەتىندە ەلدىڭ دامۋىنىڭ ۇزاق مەرزىمدى قۇجاتى ازىرلەنەتىن بولادى، — دەدى سەرىك جۇمانعارين.
ونىڭ ايتۋىنشا، بۇل قۇجاتتى پرەزيدەنت اكىمشىلىگى، ستراتەگيالىق جوسپارلاۋ جانە رەفورمالار اگەنتتىگى جانە ستراتەگيالىق زەرتتەۋلەردىڭ قازاقستاندىق ينستيتۋتى ازىرلەيدى.
— بۇل رەتتە، الەۋمەتتىك- ەكونوميكالىق ساياساتتى ىسكە اسىرۋعا ۇكىمەتتىڭ ءوزى جاۋاپتى بولعاندىقتان، ءبىز بۇل جۇمىسقا بەلسەندى ارالاسامىز جانە ەلدىڭ دامۋىنا ەلەۋلى ۇلەسىمىزدى قوسامىز. ۇكىمەت جالپىۇلتتىق ءىس- شارالار جوسپارىنىڭ بارلىق باعىتتىنىڭ ۋاقتىلى جانە ساپالى ورىندالۋىن قامتاماسىز ەتىلەتىن بولادى، — دەدى مينيستر.
بۇعان دەيىن حابارلانعانداي، بۇگىن ۇكىمەت وتىرىسىندا مەملەكەت باسشىسىنىڭ بيىلعى 28 -قازانداعى «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ» جوباسى ماقۇلدانىپ، ءتيىستى قاۋلى قابىلداندى.