- 2026 -جىلعى قاڭتار- تامىزدا رەسمي ديلەرلەر NEV (New Energy Vehicles) سەگمەنتىندەگى 6003 جەڭىل اۆتوكولىك ساتتى. بۇل بىلتىرعى وسى كەزەڭدەگىدەن (1953 كولىك) 207,4 پايىزعا ارتىق، - دەپ اتالىپ ق ا و مالىمەتىندە.
نەگىزگى ساۋدا كولەمىن قۋاتتالاتىن گيبريدتەر (PHEV) مەن ءجۇرىس قۋاتى ەسەلەنگەن اۆتوكولىكتەر (EREV) قۇراعان، ياعني 4351 اۆتوكولىك نەمەسە جالپى NEV سەگمەنتىنىڭ 72,5 پايىزى. بۇل سەگمەنتتەگى ەلەكتروموبيلدەر ەسەپتىك كەزەڭدە ءتورت ەسەدەن اسا ءوسىم كورسەتكەن (1008 دەن 4351 گە دەيىن). تولىقتاي ەلەكترلى اۆتوكولىكتەردىڭ (BEV) ساۋداسى 2025 -جىلعى سەگىز ايمەن سالىستىرعاندا 74,8 پايىزعا ارتتى (945 تەن 1652 گە دەيىن).
- سەگىز ايدا قازاقستاندا NEV سەگمەنتىندەگى اۆتوكولىك ساۋداسى التى مىڭنان استى. ساتىپ الۋشىلار كوبىنە كۇندەلىكتى ساپارعا جارايتىن ەلەكتروموبيلدەردى قارايدى، ءبىراق الىس جولعا شىققاندا كولىك قۇرالىن ءتيىمدى پايدالانۋ جاعىن دا ەسكەرەدى. سوندىقتان كوبى قازىر قۋاتتالاتىن گيبريدتەر مەن ءجۇرىس قۋاتى ۇلعايعان مودەلدەرگە سۇرانىس ارتتى، - دەدى ق ا و پرەزيدەنتى انار ماقاشەۆا.
NEV نارىعىنىڭ كوشباسشىسى رەتىندە BYD كولىكتەرى العا شىقتى. سەگىز ايدا ديلەرلەر برەندتىڭ 3 208 اۆتوكولىگىن ساتقان. 2026 -جىلدىڭ تامىزىندا BYD العاش رەت ەلدەگى ەڭ كوپ وتەتىن توپ-10 تىزىمىنە كىردى. ەكىنشى ورىندى Geely Galaxy - (1244 كولىك)، ءۇشىنشى ورىندى Li (888 كولىك) الدى. بەستىككە تاعى Zeekr (214 كولىك) مەن ROX (131 كولىك) ەندى.
قازاقستاندا سۇرانىسى ارتقان كولىكتەر:
- Geely Galaxy EX5 EM-i - 1 205 اۆتوكولىك؛
- BYD Song Plus DM-i - 1 196؛
- BYD Song Plus EV - 576؛
- BYD Chazor - 572؛
- BYD Yuan Up - 555؛
- Li L6 - 504؛
- Li L7 - 257؛
- BYD Sealion 7 - 137؛
- ROX 01 - 131؛
- Li L9 - 126 كولىك.
- سونىمەن قاتار سەگىز ايدا رەسمي ديلەرلەر كلاسسيكالىق گيبريدتى (HEV) 1284 اۆتوكولىك وتكىزگەن. ءبىر جىل بۇرىن وسىنداي 1209 كولىك ساتىلعان. كوشباسشى - Toyota (1208 كولىك)، ودان كەيىن Lexus (63) پەن Porsche (13) ورنالاستى، - دەلىكگەن ق ا و اقپاراتىندا.
PHEV (Plug-in Hybrid Electric Vehicle) - بەنزين قوزعالتقىشى بار جانە باتارەيانى ستانتسيادان قۋاتتاۋ مۇمكىندىگى بار ەلەكترلى موتورلى گيبريد اۆتوكولىك.
EREV (Electric Range Extended Vehicle) - دوڭگەلەكتى ەلەكترلى موتور اينالدىرادى، ال بەنزيندى قوزعالتقىش باتارەيانى قۋاتتايتىن گەنەراتور قىزمەتىن اتقارادى.
BEV (Battery Electric Vehicle) - تەك اككۋمۋلياتورلى باتارەيانىڭ ەنەرگياسىمەن جۇرەتىن كولىك.
HEV (Hybrid Electric Vehicle) - ادەتتەگى بەنزيندى نەمەسە ديزەلدى قوزعالقىشى مەن شاعىن باتارەيالى ەلەكترلى موتورى بىرىكتىرىلگەن كلاسسيكالىق گيبريد اۆتوكولىك.
ەلەكتروموبيلدەردىڭ الەمدەگى ۇلەسى ارتىپ كەلەدى
بيىلعى 1-ماۋسىمداعى جاعداي بويىنشا قازاقستاندا 24634 جەڭىل ەلەكتروموبيل تىركەلگەن.
ەڭ كوپ ەلەكتروموبيل الماتى قالاسىندا تىركەلگەن. وسى قالا ۇلەسىنە ەلدەگى بارلىق ەلەكتروموبيلدەردىڭ 62 پايىزى تيەسىلى. سانى بويىنشا كوشباسشى وڭىرلەر ۇشتىگىنە سونداي-اق استانا قالاسى مەن الماتى وبلىسى كىردى.
حالىقارالىق ەنەرگەتيكا اگەنتتىگىنىڭ (ح ە ا) بولجامىنشا، الەمدىك ەلەكتروموبيلدەردىڭ ساتىلىمى 2026 -جىلى قايتادان ءوسىپ، 23 ميلليونعا جەتەدى جانە بۇكىل الەمدە ساتىلاتىن بارلىق كولىكتىڭ شامامەن 0 ى.
الەمدەگى يمپورتتالعان ەلەكتروموبيلدەردىڭ جارتىسىنان كوبى قىتايدان كەلەدى. قىتاي ەلەكتروموبيلدەر ءوندىرىسىنىڭ الەمدەگى ەڭ ءىرى ورتالىعى بولىپ قالىپ وتىر. ونىڭ ۇلەسى - بىلتىر الەم بويىنشا وندىرىلگەن 22 ميلليون ەلەكتروموبيلدىڭ شامامەن تورتتەن ءۇش بولىگى. ءوندىرىس ىشكى سۇرانىستان اسىپ تۇسكەندىكتەن، قىتايدىڭ ەلەكتروموبيلدەر ەكسپورتى ەكى ەسە ارتىپ، رەكوردتىق كورسەتكىش - 2,5 ميلليوننان استام كولىككە جەتتى. قىتاي، ەۋروپا جانە ا ق ش سياقتى ءۇش ءىرى ەلەكتروموبيل نارىعىنان تىس الەمنىڭ قالعان بولىگىندە ساتىلاتىن ەلەكتروموبيلدەردىڭ U ى قىتايدان يمپورتتالىپ وتىر.
ەسكە سالساق، بيىل شىلدە ايىندا پرەمەر-مينيستر ولجاس بەكتەنوۆ قازاقستاندا BYD ماركالى ەلەكتروموبيل ءوندىرىسىن ىسكە قوسۋ جوباسىن جەدەلدەتۋدى تاپسىردى.
ايتا كەتەيىك، ەلدە 1-جەلتوقساننان باستاپ ەلەكتروموبيلدەردى قۋاتتاۋ ستانتسيالارى مىندەتتى تەكسەرۋدەن وتەدى.