مەملەكەت باسشىسىنىڭ اڭگىمەسىن زاڭسىز تىڭداعان شەندىلەر قولعا ءتۇستى

ايتا كەتەيىك، ليستيو سيگيت پرابوۆو يندونەزيا پرەزيدەنتى اكىمشىلىگىنىڭ باسشىسى قىزمەتىنە وتكەن ايدا عانا تاعايىندالعان ەدى.

جەرگىلىكتى ب ا ق-تىڭ حابارلاۋىنشا، ليستيو ۇلتتىق پوليتسيانى باسقارعان وتكەن جىلدان بيىلعا دەيىنگى ارالىقتا ءبىرقاتار جوعارى لاۋازىمدى تۇلعانىڭ تەلەفون ارقىلى سويلەسكەن اڭگىمەلەرى زاڭسىز تىڭدالعان.

وسى ىسكە بايلانىستى ودان بولەك پوليتسيانىڭ تاعى ەكى جوعارى لاۋازىمدى قىزمەتكەرى ۇستالدى.

- بۇل ارەكەتكە جەكەلەگەن تەرىس پيعىلدى ادامدار بارعان. مۇنداي قادامدى مەملەكەتكە وپاسىزدىق جاساۋعا جاقىن ارەكەت دەپ باعالاۋعا بولادى. ويتكەنى ول ەلدىڭ ۇلتتىق مۇددەسى مەن قاۋىپسىزدىگىنە، ونىڭ ىشىندە مەملەكەت باسشىسىنىڭ ءومىرى مەن قاۋىپسىزدىگىنە قاتەر توندىرەدى، - دەدى يندونەزيا پرەزيدەنتىنىڭ باسپا ءسوز حاتشىسى.

كۇدىكتىلەر وتكەن ايدا تىڭدالعان حابارلامالار جازىلعان فايلداردى جويۋعا بۇيرىق بەرىپ، قىلمىس ءىزىن جاسىرماق بولدى دەپ تە ايىپتالىپ وتىر.

بۇل ارەكەتتىڭ قانداي ماقساتتا جۇرگىزىلگەنى ازىرگە بەلگىسىز.

سارسەنبى كۇنى يندونەزيا اسكەرى ەل استاناسى دجاكارتاعا 20 مىڭنان استام اسكەري قىزمەتشىنى جىبەردى. الايدا بۇل شەشىمنىڭ كۇدىكتىلەردى ۇستاۋ وقيعاسىنا قاتىسى بار-جوعى جونىندە رەسمي مالىمدەمە جاسالعان جوق.

يندونەزيا قارۋلى كۇشتەرىنىڭ وكىلى اسكەري قىزمەتشىلەردى ورنالاستىرۋ ەلدىڭ ۇلتتىق قاۋىپسىزدىگى مەن اۋماقتىق تۇتاستىعىن قامتاماسىز ەتۋگە باعىتتالعان قالىپتى شارا ەكەنىن مالىمدەدى.

بۇعان دەيىن ازەربايجاننىڭ بۇرىنعى شەنەۋنىگىنە ەلگە وپاسىزدىق جاسادى دەگەن اۋىر ايىپ تاعىلعانى حابارلانعان بولاتىن.