كومپانيا مالىمەتىنشە، جولاۋشىلار مەن جۇك تاسىمالى ۇزدىكسىز جۇزەگە اسىرىلىپ جاتىر.
- تاسىمالداۋ پروتسەسى ۇزدىكسىز جۇزەگە اسىرىلىپ، جولاۋشىلار مەن جۇك پويىزدارىنىڭ قوزعالىسى تولىق كولەمدە قامتاماسىز ەتىلەدى. قوزعالىس قاۋىپسىزدىگى جانە تاسىمالداۋ كەستەسىنىڭ ورىندالۋى ۇنەمى باقىلاۋدا. كومپانيانىڭ جولاۋشىلار مەن كليەنتتەر الدىنداعى بارلىق مىندەتتەمەلەرى تولىق كولەمدە ورىندالادى، - دەلىنگەن قتج حابارلاماسىندا.
ۇلتتىق كومپانيا تاسىمالداۋ پروتسەسى قالىپتى تارتىپپەن جالعاسىپ جاتقانىن مالىمدەدى.
ايتا كەتەيىك، بۇعان دەيىن ۇلتتىق قاۋىپسىزدىك كوميتەتى «قازاقستان تەمىر جولى» ۇك» اق باسقارما ءتوراعاسى ەلجاس وتىنشييەۆ پەن «سامۇرىق-قازىنا» ا ق باسقارما ءتوراعاسى نۇرلان جاقىپوۆتىڭ سىبايلاس جەمقورلىق قىلمىسىن جاسادى دەگەن كۇدىكپەن ۇستالعانىن راستاعان بولاتىن.
ولار 11-قاراشادا ۇستالعان. قازىرگى ۋاقىتتا تەرگەۋ امالدارى جۇرگىزىلىپ جاتىر.