ەلجانا تانيەۆا بولگارياداعى الەم كۋبوگىندە ەكى جاتتىعۋدا فينالعا شىقتى
استانا. KAZINFORM - بولگاريا استاناسى سوفيا قالاسىندا كوركەم گيمناستيكادان ءوتىپ جاتقان الەم كۋبوگىنىڭ كەزەڭىندە قازاقستاندىق ەلجانا تانيەۆا ەكى جاتتىعۋدا فينالعا شىقتى.
سپورتتى دامىتۋ ديرەكتسياسىنىڭ باسپا ءسوز قىزمەتى ءمالىم ەتكەندەي، ەل نامىسىن قورعاپ جاتقان ەلجانا تانيەۆا كوپسايىس قورىتىندىسى بويىنشا 131.400 ۇپايمەن بەسىنشى ورىن الىپ، تاسپا جانە ۇرشىقپەن جاتتىعۋدا فينالعا شىقتى.
فينالدىق سايىستار بۇگىن، ياعني 14-ءساۋىر كۇنى وتەدى.
وسى الەم كۋبوگى كەزەڭىنەن كەيىن ەلجانا تانيەۆا مەن ايبوتا ەرتاي قىزى تاشكەنتتە (وزبەكستان) وتەتىن ليتسەنزيالىق ازيا بىرىنشىلىگىنە اتتانادى.
ايتا كەتەلىك، ءاليا يۋسۋپوۆا باستاعان باپكەرلەر قۇرامى ازيا چەمپيوناتىنا قاتىساتىن ەكىنشى سپورتشىنى حالىقارالىق جارىستار قورىتىندىسى بويىنشا تاڭداپ العان بولاتىن.
اۆتور كۇنسۇلتان وتارباي