7-قىركۇيەكتە قۇرىلتاي سپيكەرى ايبەك دادەبايدىڭ توراعالىعىمەن وتكەن بيۋرو وتىرىسىندا قۇرىلتاي رەگلامەنتىنىڭ جوباسى تالقىلانعان بولاتىن. ەندى وسى قۇجات بۇگىنگى وتىرىستىڭ كۇن تارتىبىنە شىعارىلىپ وتىر. رەگلامەنت جوباسى قازاقستان رەسپۋبليكاسىنىڭ جاڭا كونستيتۋتسياسى مەن «قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ نورمالارىنا سايكەس ازىرلەنگەن.
ەسكە سالا كەتسەك، 28-تامىز كۇنى استانادا مەملەكەت باسشىسى قاسىم-جومارت توقايەۆتىڭ قاتىسۋىمەن ءبىرىنشى شاقىرىلىمداعى ق ر قۇرىلتايىنىڭ ءبىرىنشى سەسسياسى وتتى.
بۇعان دەيىن قۇرىلتايدىڭ جالپى وتىرىسىندا پرەمەر-مينيستر ولجاس بەكتەنوۆ ۇكىمەت جۇمىسىنىڭ باستى باعدارىن اتاعان ەدى.