ەلدىڭ بارلىق وڭىرىندە دابىل جۇيەسى ىسكە قوسىلادى

الماتى. KAZINFORM - بۇگىن، 21 - قاراشادا ساعات 11:00 دە قازاقستاننىڭ بارلىق وڭىرىندە دابىل قاعىلادى.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، بۇل «قىس-2024» كوماندالىق- شتابتىق وقۋ- جاتتىعۋ اياسىندا بولادى.

سونىمەن 21 - قاراشا ساعات 11:00 دە ەلەكتردابىلدار مەن دابىلدى- سويلەۋ قۇرىلعىلارى ىسكە قوسىلادى. بۇل ءىس- شارا حالىقتىڭ «بارشانىڭ نازارىنا!» ءبىرىڭعاي قۇلاقتاندىرۋ سيگنالىنا دەن قويۋ ءتارتىبىن پىسىقتاۋعا باعىتتالعان.

«دىبىستىق سيگنالدى ەستىگەننەن كەيىن تەلەديدارلار مەن راديوقابىلداعىشتاردى قوسىپ، ينتەرنەت- رەسۋرستارداعى جانە موبيلدى قوسىمشالارداعى اقپاراتتى وقىپ، قازىرگى جاعدايدا ودان ءارى ارەكەت ەتۋ بويىنشا نۇسقاۋلار الۋ قاجەت»، - دەلىنگەن حابارلامادا.

بۇعان دەيىن، الماتىدا Mass Alert جەر سىلكىنىسىن ەسكەرتۋ جۇيەسى سىناقتان وتكەن بولاتىن.