دەنساۋلىق ساقتاۋ مينيسترلىگى قىزىلشامەن سىرقاتتانۋ بويىنشا جاعدايدى تۇراقتاندىرۋعا باعىتتالعان پروفيلاكتيكالىق ءىس-شارالار كەشەنىنىڭ جالعاسىپ جاتقانىن حابارلايدى.
قابىلدانىپ جاتقان شارالارعا قاراماستان، ەپيدەميولوگيالىق مونيتورينگ جۇقتىرعاندار سانىنىڭ وسكەنىن كورسەتىپ وتىر. بۇل نەگىزىنەن نىسانالى جاس توپتارىنداعى بالالاردىڭ ۆاكسيناتسيالاۋمەن جەتكىلىكسىز قامتىلۋىنا بايلانىستى.
2026 -جىلدىڭ باسىنان بەرى ەلدە قىزىلشانىڭ 4184 جاعدايى تىركەلدى. اۋرۋ جۇقتىرعانداردىڭ ,8- ى 14 جاسقا دەيىنگى بالالار.
وتكەن اپتادا سىرقاتتانۋ كورسەتكىشى الدىڭعى كەزەڭمەن سالىستىرعاندا 1,3 ەسەگە ارتتى.
جۇقتىرعانداردىڭ w- ى — ەكپە الماعان ادامدار. ۆاكسيناتسينا الماۋىنىڭ نەگىزگى سەبەبى (U جاعدايدا) - اتا-انالاردىڭ باس تارتۋى.
وسىعان بايلانىستى مىنانى ەرەكشە اتاپ وتكەن ءجون: ۆاكسيناتسيالاۋ - اۋرۋدىڭ اۋىر سالدارىنىڭ الدىن الۋدىڭ جالعىز ءتيىمدى ءتاسىلى.
قازىرگى ۋاقىتتا ينفەكسيا وشاقتارىن وقشاۋلاۋ جانە ونىڭ تارالۋىن بولدىرماۋ ماقساتىندا ەل اۋماعىندا اۋقىمدى ەپيدەمياعا قارسى ءىس-شارالار جۇرگىزىلىپ جاتىر.
اتاپ ايتقاندا، بالالاردى جوسپارلى جانە تولىقتىرۋشى ۆاكسيناتسيالاۋ جالعاسىپ جاتىر. اۋرۋ وشاعىندا بايلانىستا بولعان ادامدارعا شۇعىل ۆاكسيناتسيالاۋ جۇرگىزىلەدى.
سونداي-اق بايلانىستا بولعان ادامدارعا 21 تاۋلىك بويى كۇندەلىكتى مەديتسينالىق باقىلاۋ ۇيىمداستىرىلعان. بالاباقشالاردا قىزىلشا جاعدايلارى تىركەلگەن كەزدە ەگىلمەگەن بالالاردىڭ كەلۋى ۋاقىتشا شەكتەلەدى.
— يممۋنوپروفيلاكتيكا ماسەلەلەرى جونىندەگى رەسپۋبليكالىق شتاب وتىرىستارىندا اۋماقتىق دەنساۋلىق ساقتاۋ دەپارتامەنتتەرى باسشىلارىنىڭ ەسەپتەرى قارالادى. اتاپ ايتقاندا، جامبىل وبلىسىنىڭ سانيتاريالىق- ەپيدەميولوگيالىق باقىلاۋ دەپارتامەنتىنىڭ باستاماسىمەن يممۋندىق پرەپاراتتاردى ساتىپ الۋعا قوسىمشا قاراجات ءبولىندى، — دەلىنگەن حابارلامادا.
بارلىق وڭىردە مەديتسينا قىزمەتكەرلەرى ءۇشىن ۆاكتسينامەن باسقارىلاتىن ينفەكسيالاردى دياگنوستيكالاۋ جانە پاتسيەنتتەردى كلينيكالىق جۇرگىزۋ ماسەلەلەرى بويىنشا 4000-نان استام سەمينار وتكىزىلدى.
سوڭعى 8 جىلدىڭ ىشىندە ەلدە ۆاكسيناتسيالاۋدان باس تارتۋ جاعدايلارى 4,8 ەسەگە ارتقانىن ايتا كەتۋ كەرەك. بۇل ءۇردىس ۇجىمدىق يممۋنيتەتتىڭ تومەندەۋىنە تىكەلەي اسەر ەتىپ، جاعدايدى تولىق تۇراقتاندىرۋعا كەدەرگى كەلتىرىپ جاتىر.
ايتا كەتەلىك ەلىمىزدە دونورلىققا كەلىسىمىن بەرگەندەردىڭ سانى 3 ەسەگە جۋىق وسكەنى تۋرالى جازعان ەدىك.