اتاپ ايتقاندا قىلمىسكەرلەر 1,2 ميلليون ادامنىڭ جەكە اقپاراتىنا جانە 200 مىڭ زاڭدى تۇلعاعا قاتىستى اقپاراتقا قول جەتكىزدى، دەپ حابارلايدى بەلتا.
لاتۆيا ب ا ق-تارىنىڭ حابارلاۋىنشا، شابۋىلداۋشىلار ازاماتتاردىڭ سوڭعى 18-جىلداعى جەكە سايكەستەندىرۋ نومىرلەرى، اتى-ءجونى، كولىك نومىرلەرى مەن تولەمدەرىنە بايلانىستى اقپاراتتاردى العان.
الايدا، كيبەرشابۋىل تەلەفون نومىرلەرى مەن ەلەكتروندى پوشتا مەكەنجايلارى سياقتى بايلانىس اقپاراتىنا اسەر ەتپەگەن.
ج ق ق ب كيبەرشابۋىلعا قاتىستى تەرگەۋ باستادى.
ازاماتتارعا دەرەكتەردىڭ بۇزىلۋىنا بايلانىستى الاياقتىق قاۋىپتەر تۋرالى ەسكەرتىلدى جانە ج ق ق ب نەمەسە باسقا اگەنتتىكتەر اتىنان جىبەرىلگەن حابارلامالاردى الۋ نەمەسە تەلەفون قوڭىراۋلارىنا جاۋاپ بەرۋ كەزىندە وتە ساق بولۋ ۇسىنىلدى.
لاتۆيا پرەزيدەنتى ەدگارس رينكيەۆيچس كيبەرشابۋىل مەن دەرەكتەردىڭ تاراۋى «ۇلتتىق قاۋىپسىزدىككە ەلەۋلى قاتەر توندىرەتىنىن» مالىمدەدى.
- جول قوزعالىسى باسقارماسىنىڭ بەدەلىنە جانە بۇل مەكەمەگە دەگەن قوعامدىق سەنىمگە نۇقسان كەلتىرىلدى. مۇنداي جاعدايدا جول قوزعالىسى باسقارماسىنىڭ باسشىلىعى ءوز مىندەتتەرىن ورىنداي المايدى،-دەپ جازدى ول Facebook تەگى پاراقشاسىندا.
لاتۆيا پرەمەر- ءمينيسترى اندريس كۋلبەرگس كولىك مينيسترىنە وقيعاعا بايلانىستى جول قوزعالىسى باسقارماسى باسشىلىعىنىڭ جاۋاپكەرشىلىگىن باعالاۋدى تاپسىردى.
لاتۆيا جول قوزعالىسى باسقارماسى كولىك قۇرالدارىن تىركەۋگە، تەكسەرۋگە جانە جۇرگىزۋشى كۋالىكتەرىن بەرۋگە، سونداي-اق ەلدەگى كولىك قۇرالدارىن تەكسەرۋگە جاۋاپتى.
بۇعان دەيىن فرانسيادا كيبەرشابۋىلدان زارداپ شەككەن 678 مىڭ ادامعا حابارلاما جىبەرىلگەنىن جازعان ەدىك.