استانا. KAZINFORM - ۇلتتىق ۇلاننىڭ 5573 اسكەري ءبولىمىنىڭ اسكەري قىزمەتشىلەرى ەلوردادا اداسىپ كەتكەن كىشكەنتاي قىزدى تاۋىپ، اتا-اناسىمەن تابىستىردى. بۇل تۋرالى ق ر ۇلتتىق ۇلانىنىڭ باسپا ءسوز قىزمەتى حابارلادى.
24-قاڭتاردا استانا قالاسىنىڭ نۇرا اۋدانىندا پاترۋلدىك-بەكەتتىك قىزمەت اتقارعان اسكەري جاساق باستىعى قاتارداعى بۋنياد مۋزاففاروۆ پەن پاترۋلشى قاتارداعى جاۋىنگەر ءجۇرسىن ەرلىك ۇلى كوشەدە ەرەسەكتەردىڭ قاراۋىنسىز جۇرگەن بەس جاسار قىزدى بايقادى. بەلگىلى بولعانداي، ول اتا-اناسىنان الىستاپ، اداسىپ كەتكەن.
- ءبىز بۇل تۋرالى اسكەري جاساقتار بويىنشا كەزەكشىگە دەرەۋ حابارلادىق. 15 مينۋتتان كەيىن قىزدىڭ اناسى بىزگە كەلدى. اناسىنا قىزىن تاپسىردىق، - دەدى قاتارداعى جاۋىنگەر بۋنياد مۋزاففاروۆ.
ءسابيدىڭ اتا-اناسى اسكەري جاساققا، سونداي-اق اسكەري ءبولىمنىڭ قولباسشىلىعىنا زور العىسىن ءبىلدىردى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан