ۆلاديمير پۋتين قازاقستانمەن ىنتىماقتاستىق تۋرالى: توقايەۆ بارلىق باعىت بويىنشا ءوزارا ءىس- قيمىلدى قولدايدى

استانا. KAZINFORM - بۇل تۋرالى رەسەي فەدەراتسياسىنىڭ پرەزيدەنتى سانكت-پەتەربۋرگ حالىقارالىق ەكونوميكالىق فورۋمى (پ م ە ف) اياسىندا وتكەن ءىرى حالىقارالىق اقپاراتتىق اگەنتتىكتەردىڭ باسشىلارىمەن كەزدەسۋى بارىسىندا مالىمدەدى.

اڭگىمە بارىسىندا «قازاقپارات» ح ا ا- نىڭ باس رەداكتورى اسقار جالدينوۆ ساۋال قويدى:

- ۆلاديمير ۆلاديميروۆيچ، قازاقستان مەن رەسەيدىڭ كورشى مەملەكەتتەر رەتىندەگى قارىم-قاتىناسىنىڭ بولاشاعى قانداي؟

«قاسىم-جومارت كەمەل ۇلى، پرەزيدەنت توقايەۆپەن ۇنەمى بايلانىستامىز. بىزدە وتە مەيىرىمدى، سەنىمدى، دوستىق قارىم-قاتىناس قالىپتاستى»، - دەپ اتاپ ءوتتى ۆلاديمير پۋتين.

«شىنىمدى ايتسام، ءبىزدىڭ قارىم-قاتىناستى قانداي دا ءبىر جولمەن قيىنداتقان ويدى كورىپ تۇرعان جوقپىن. قىتايمەن ىنتىماقتاستىق تۋرالى ايتتىق، بىزدە تاۋار اينالىمىنىڭ � ى ۇلتتىق ۆاليۋتالارعا تيەسىلى. ءبىزدىڭ قازاقستانمەن قارىم-قاتىناستا دا سولاي بولىپ جاتىر. ول 0 عا تاياپ قالدى، - دەدى ر ف پرەزيدەنتى گۋمانيتارلىق سالاداعى ىنتىماقتاستىقتىڭ جاقسى دەڭگەيىن اتاپ وتە كەلە، ياعني، بىزدە بارلىق ۆەكتور بويىنشا وتە ناتيجەلى بىرلەسكەن جۇمىس ءجۇرىپ جاتىر. سونىڭ ىشىندە بارلىق باعىتتار بويىنشا ءبىزدىڭ ءوزارا ءىس-قيمىلدى قولدايتىن پرەزيدەنت توقايەۆتىڭ ارقاسىندا. جاقىندا استاناعا بارامىز، ش ى ۇ سامميتى جانە باسقا دا ءىس-شارالار بولادى. مەنىڭ شاقىرتۋىم بار، ارينە، مەن ونى قولدانامىن»، - دەپ تۇيىندەدى رەسەي باسشىسى.

اۆتور
داۋلەت ىزتىلەۋ