لاۋازىمدى تۇلعانىڭ زاڭ بۇزۋشىلىق ۇستىندە تۇسىرىلگەن بەينەجازباسىن جاريالاۋ ءۇشىن كەلىسىم الۋ قاجەت ەمەس - قىرىقبايەۆ

استانا. KAZINFORM - لاۋازىمدى تۇلعانىڭ زاڭ بۇزۋشىلىق ۇستىندە تۇسىرىلگەن بەينەجازباسىن جاريالاۋ ءۇشىن ونىڭ كەلىسىمىن الۋ قاجەت ەمەس.

Фото: акимат Алматы

بۇل تۋرالى بۇگىن قۇرىلتاي وتىرىسىندا ماسس-مەديا تۋرالى زاڭعا زاڭناماعا ەنگىزىلەتىن تۇزەتۋلەردى تالقىلاۋ بارىسىندا مادەنيەت جانە اقپارات ءمينيسترى ارمان قىرىقبايەۆ ايتتى.

قۇجاتتى قاراۋ بارىسىندا دەپۋتات ماكسيم روجين زاڭ جوباسىندا ادامنىڭ بەينەسىن ونىڭ كەلىسىمىنسىز پايدالانۋعا بولاتىن، جاريالاۋعا بولاتىن جاعدايلاردى ناقتىلاۋ ۇسىنىلعانىنا نازار اۋدارتتى.

- جالپى الەۋمەتتىك جەلى مەن ديپفەيك تەحنولوگياسى دامىعان زاماندا بۇل نورما ۋاقتىلى ءارى كەرەك شىعار. ءبىراق ءبىزدىڭ ويىمىزشا، بۇل جەردە جەكە ءومىردى قورعاۋ مەن قوعامنىڭ زاڭ بۇزۋشىلىقتار تۋرالى ءبىلۋ قۇقىعى اراسىنداعى تەڭگەرىمدى ساقتاۋ ماڭىزدى. وسى جاعدايدا سىبايلاس جەمقورلىق نەمەسە وزگە دە قۇقىق بۇزۋشىلىق تۋرالى ناقتى دەرەكتەر بولعان جاعدايدا لاۋازىمدى تۇلعانىڭ بەينەسىن پايدالانۋعا، ولاردىڭ كەلىسىمىنسىز جاريالاۋ مۇمكىندىگىن ايقىنداي وتىرىپ، ۇسىنىلعان رەداكتسيانى پىسىقتاۋ ۇسىنىلادى مينيسترلىكتىڭ وسىنداي تەڭگەرىمدى كوزقاراسقا، ۇسىنىسقا كوزقاراسى قانداي؟-دەدى ول مينيستردەن.

ساۋالعا جاۋاپ بەرگەن ارمان قىرىقبايەۆ قانداي دا ءبىر لاۋازىمدى تۇلعا زاڭ بۇزۋشىلىق ۇستىندە وبەكتيۆكە ءتۇسىپ قالعان بولاتىن بولسا، وندا ونىڭ ارنايى كەلىسىمىن الىپ جاتۋ اقىلعا سىيمايتىن نارسە.

- سوندىقتان بۇل دۇرىس دەپ ەسەپتەيمىز. بۇل جەردەگى نەگىزگى ماقسات - قىزمەت بارىسىنداعى بەينەجازبا مەن جەكە وتباسىلىق ومىرىندەگى بەينەجازبا اراسىنىڭ اراجىگىن اجىراتىپ الۋ. ءار ادامنىڭ جەكە ءومىرى بار، وعان قول سۇعۋعا بولمايدى. بۇل اربىردەن سوڭ كونستيتۋتسيالىق تالاپ ەكەنىن وزدەرىڭىز جاقسى بىلەسىزدەر. ال قىزمەت بارىسىندا، بەلگىلى ءبىر رەسمي شارالاردىڭ، بولماسا ءبىر جينالىستىڭ ۇستىندە، قۇرىلتاي قابىرعاسىندا بولىپ جاتقان شارالاردىڭ ۇستىندە بەينەتاسپاعا ءىلىنىپ جاتسا، ەشقانداي دا كەلىسىم الۋدىڭ قاجەتى جوق،-دەدى ول.

ايتا كەتەيىك، قۇرىلتايدا تالقىلانىپ جاتقان زاڭ جوبالارىندا ەلىمىزدە ونلاين- پلاتفورمالاردىڭ جاۋاپكەرشىلىگىن كۇشەيتۋ، بالالاردى زياندى كونتەنتتەن قورعاۋ جانە تسيفرلىق كەڭىستىكتەگى ازاماتتاردىڭ قۇقىقتارىن ساقتاۋ كوزدەلىپ وتىر.