مامىلەلەر سانى بويىنشا الماتى (6498 -18,5 پايىز) جانە استانا (6 193-17,6 پايىز) قالالارى، سونىمەن قاتار، قاراعاندى وبلىسى (2841-8,1 پايىز) كوش باستاپ تۇر. مامىلەلەر سانى ۇلىتاۋ وبلىسىندا ەڭ از - 324 مامىلە (0,9 پايىز) تىركەلگەن.
2026-جىلعى ناۋرىزبەن سالىستىرعاندا ساۋىردە مامىلەلەر سانىنىڭ ءوسۋى، اتىراۋ وبلىسىن (5,6 پايىز) قوسپاعاندا، بارلىق وڭىردە بايقالادى. ەڭ جوعارعى ءوسىم ۇلىتاۋ (55,8 پايىز)، قىزىلوردا (49,4 پايىز) جانە اباي (45,7 پايىز) وبلىستارىندا تىركەلدى.
2026-جىلعى ناۋرىز ايىمەن سالىستىرعاندا، كوپپاتەرلى ۇيلەردەگى تۇرعىن ءۇي مامىلەلەر سانى 21,2 پايىز (4789 مامىلەگە) ءوستى. 2026-جىلدىڭ ءساۋىر ايىندا پاتەرلەر بويىنشا بارلىعى 27331 مامىلە جاسالدى، بۇل مامىلەلەردىڭ جالپى سانىنىڭ 77,7 پايىز. كوپپاتەرلى ۇيلەردەگى تۇرعىن ءۇي ساۋداسىنىڭ نەگىزگى ۇلەسى استانا (22,2 پايىز)، الماتى (22 پايىز) قالالارىنا جانە قاراعاندى وبلىسىنا (8,6 پايىز) تيەسىلى. بولمەلەر سانى بويىنشا 2 بولمەلى پاتەرلەر ساتىلىمى باسىم بولدى - 10204 مامىلە.
2026-جىلعى ناۋرىزبەن سالىستىرعاندا ساۋىردە جەكە تۇرعىن ۇيلەر بويىنشا مامىلەلەر سانى دا 31,5 پايىز (1872 مامىلەگە) ءوستى. ساۋىردە بارلىعى 7823 مامىلە تىركەلگەن. جەكە تۇرعىن ۇيلەر بويىنشا مامىلەلەر سانىنىڭ ەڭ جوعارعى ءوسىمى سولتۇستىك قازاقستان ( 76,3 پايىز)، اباي (73,1 پايىز) جانە ۇلىتاۋ (71,4 پايىز) وبلىستارىندا تىركەلگەن. جەكە تۇرعىن ۇيلەر بويىنشا مامىلەلەر سانىنىڭ تومەندەۋى تەك الماتى قالاسىندا (2,2 پايىز) بولعان.
2026-جىلعى ساۋىردە تۇرعىن ءۇيدى الىپ-ساتۋ مامىلەلەرى الدىڭعى جىلدىڭ ءتيىستى ايىمەن سالىستىرعاندا 4,6 پايىز ازايدى، ول كەزدە 36839 مامىلە رەسىمدەلگەن بولاتىن. مامىلەلەر سانىنىڭ ەڭ جوعارى ءوسىمى تۇركىستان وبلىسىندا (41,5 پايىز) بايقالدى، ەڭ ۇلكەن تومەندەۋ - ۇلىتاۋ وبلىسىندا (28,6 پايىز). 2026-جىلدىڭ قاڭتار-ءساۋىر ايلارىنداعى مامىلەلەر سانىن 2025-جىلعى قاڭتار-ءساۋىر ايلارىنداعى مامىلەلەر سانىمەن سالىستىرعاندا 4,6 پايىز تومەندەۋ بايقالدى.
ايتا كەتەلىك بيىل 20,2 ميلليون شارشى مەتر باسپانا تاپسىرىلاتىنى تۋرالى جازعان ەدىك.