ەلگە ەسىرتكى تاسىمالداپ كەلگەن ترانسۇلتتىق توپ مۇشەلەرى سوتتالدى
استانا. قازاقپارات - 12 -ماۋسىمدا قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ قازاقستان ازاماتى مەن ەكى شەتەلدىككە شىعارعان ۇكىمى كۇشىنە ەندى.
ولار قىلمىستىق كودەكستىڭ 264-بابىنىڭ 1-بولىگى («ترانسۇلتتىق ۇيىمداسقان قىلمىستىق توپ قۇرۋ»)، 286-بابىنىڭ 4-بولىگى («ترانسۇلتتىق ۇيىمداسقان قىلمىستىق توپ قۇرامىنداعى كونتراباندا») جانە 297-بابىنىڭ 4-بولىگى («ترانسۇلتتىق ۇيىمداسقان قىلمىستىق توپ قۇرامىندا ەسىرتكى وتكىزۋ») بويىنشا ۇزاق مەرزىمگە باس بوستاندىعىنان ايىرىلدى.
تەرگەۋ مەن سوت بارىسىندا اتالعان ادامدار قازاقستان اۋماعىندا اۋىر ەسىرتكى كونترابانداسى مەن تاسىمال ۇيىمداستىرۋعا تىرىسقان ترانسۇلتتىق قىلمىستىق توپتىڭ مۇشەلەرى ەكەنى دالەلدەندى.
توپ مۇشەلەرى 2023 -جىلعى تامىزدا ۇ ق ك جەدەل قىزمەتكەرلەرى پروكۋراتۋرا ورگاندارى جانە قۇزىرەتتى ورگاندارمەن ءوزارا بىرىگىپ وتكىزگەن شارا كەزىندە ۇستالدى.
ءتىنتۋ بارىسىندا ولاردان 1 ك گ- نان استام گەروين، 2 ك گ اپيىن، سونداي- اق 4 اتىس قارۋى مەن وق- ءدارى تاركىلەندى.
«حالىقارالىق ەسىرتكى بيزنەسىنە قارسى ءىس-شارالار جالعاسىپ جاتىر» دەيدى ۇ ق ك باسپا ءسوز قىزمەتىنەن.