ل ر ت-نىڭ اقشاسىن ۇرلاعان تالعات اردان ۇستالدى

استانا. قازاقپارات - 2019 -جىلعى قىركۇيەكتە قازاقستان رەسپۋبليكاسىنىڭ باس پروكۋراتۋراسى تۇركيانىڭ ادىلەت مينيسترلىگىنە حالىقارالىق ىزدەۋدە جۇرگەن «استانا LRT» ج ش س-نىڭ بۇرىنعى باسشىسى، قازاقستان ازاماتى تالعات ارداندى ۇستاپ بەرۋ تۋرالى سۇراۋ جىبەرگەن بولاتىن.

وسىعان بايلانىستى تۇركيا رەسپۋبليكاسىنىڭ قۇزىرلى ورگاندارى ءتيىستى ىزدەستىرۋ شارالارىن جۇرگىزگەن، دەپ حابارلايدى ۇلتتىق قاۋىپسىزدىك كوميتەتىنىڭ باسپا ءسوز قىزمەتى.

بيىلعى جىلى ۇ ق ك ونىڭ ناقتى بولعان جەرىن انىقتادى، سودان كەيىن تۇركيانىڭ قۇقىق قورعاۋ ورگاندارى انتاليا قالاسىندا ۇستادى.

ا. ج. 9-مامىرىندا انتاليا قالاسىنىڭ سوتى ت. ارداندى قازاقستانعا دەپورتاتسيالاۋ تۋرالى شەشىم قابىلدادى جانە ول قازىرگى ۋاقىتتا قاماۋدا.

قازاقستاننىڭ قۇزىرەتتى ورگاندارى اتالعان ادامدى قازاقستانعا قايتارۋ بويىنشا قۇقىقتىق راسىمدەردى باستادى.

ەستەرىڭىزگە سالا كەتەيىك، بۇعان دەيىن استانا قالاسىنىڭ سوتى ت. ارداندى قىلمىستىق كودەكستىڭ 189-بابى 4-بولىگى جانە 361-بابى 4-بولىگى بويىنشا كىنالى دەپ تانىپ، سىرتتاي 9 جىلعا باس بوستاندىعىنان ايىرۋعا سوتتالعان.

وسىعان دەيىن مەملەكەت باسشىسى ل رت-نى سىبايلاس جەمقورلىقتىڭ ءيىسى مۇڭكىپ تۇرعان جوبا ەكەنىن ايتقان بولاتىن.