ل ر ت-نىڭ العاشقى ۆاگوندارى استاناعا جونەلتىلدى
استانا. KAZINFORM - قىتايدىڭ تانشان قالاسىندا استانا قالاسىنا ارنالعان LRT ۆاگوندارىنىڭ العاشقى ەكى قۇرامى جىبەرىلدى.
قازاقستان تاراپىنان شاراعا «City Transportation Systems» ج ش س باسقارما ءتوراعاسى اسىلبەك دۇيسەبايەۆ قاتىستى. قىتاي تاراپىنان «CRRC Tangshan Co.، Ltd» جىلجىمالى قۇرامدى ءوندىرۋشى زاۋىتتىڭ باسقارما ءتوراعاسى جوۋ چيۋننيان جانە باس مەردىگەر CRAEC كومپانياسىنىڭ باس ديرەكتورى جوۋ حايۆەي قاتىستى.
تانشان قالاسىنداعى زاۋىتتا جوبا اياسىندا بارلىعى 19 بىرلىك جىلجىمالى قۇرام وندىرىلەدى. زاماناۋي، ءتورت سەكسيالى، جۇرگىزۋشىسىز جۇرەتىن، اۆتوماتتاندىرۋدىڭ ءتورتىنشى دەڭگەيىندەگى ۆاگونداردىڭ ءارقايسىسى 650 جولاۋشىعا ارنالعان.
ءوندىرىس 1881 -جىلى قۇرىلعان قىتايدىڭ تەمىرجول سالاسىنداعى ەڭ ءىرى ءارى كونە كاسىپورىندارىنىڭ ءبىرى - «CRRC Tangshan» زاۋىتىندا جۇزەگە اسىرىلادى.
- استاناعا العاشقى ەكى قۇرامدى جەتكىزۋ ماۋسىم ايىنا جوسپارلانعان. قالعان 17 قۇرام وسى جىل سوڭىنا دەيىن جەتكىزىلەدى. جەلىنى سىناقتان وتكىزۋدى باستاۋ قىركۇيەك ايىنا جوسپارلانىپ وتىر. ءقازىر استاناداعى LRT جوباسى اياسىندا قۇرىلىس جۇمىستارىنىڭ باسىم بولىگى اياقتالدى. جول توسەۋ، ستانسيالار قاسبەتىن مونتاجداۋ، ەستاكادانىڭ تىرەكتەرى مەن ارقالىقتارىن سىرلاۋ، سىرتقى ينجەنەرلىك جەلىلەردى قوسۋ، ەستاكادا استى ايماعىن اباتتاندىرۋ جانە دەپو قۇرىلىسى جۇمىستارى جالعاسىپ جاتىر، - دەپ حابارلايدى «City Transportation Systems» ج ش س.