ەل قورجىنى تاعى ءبىر وليمپيادا جولداماسىمەن تولىقتى

استانا. KAZINFORM - فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنا قازاقستاندىق بادمينتونشى دميتري پانارين 33-ليتسەنزيانى جەڭىپ الدى.

ق ر سپورتتى دامىتۋ ديرەكسياسى ءمالىم ەتكەندەي، قازاقستاندىق بادمينتونشى دميتري پانارين ەل قورجىنىنا پاريج وليمپياداسىنىڭ كەزەكتى جولداماسىن سىيلادى.

دميتري وليمپيادالىق رەيتينگتە 25005 ۇپايمەن 31-ورىنعا تۇراقتاپ، قازاقستان كوماندالىق ەسەپتە توپ-25 ەلدىڭ قاتارىنا ەندى.

ەستەرىڭىزگە سالا كەتەيىك، وسىعان دەيىن ۇلتتىق قۇراما ساڭلاقتارى پاريج وليمپياداسىنىڭ 32 جولداماسىنا قول جەتكىزگەن بولاتىن.

اتاپ ايتساق، (ەرلەر) - 6، نىسانا كوزدەۋ - 5، ساداق اتۋ - 4، سەمسەرلەسۋ - 4، تاس جولداعى ۆەلوسپورت - 3، قازىرگى بەسسايىس - 2، تاەكۆوندو - 2، بوكس (ايەلدەر) - 1، گرەك-ريم كۇرەسى - 1، ەركىن كۇرەس - 1، سپورتتىق گيمناستيكادان - 1، باتۋتتاعى گيمناستيكا - 1، جەڭىل اتلەتيكادان 1 جولداما يەلەنگەن.

2024-جىلعى وليمپيادا ويىندارىندا سپورتتىڭ 32 سپورت تۇرىنەن 329 مەدال ءوز يەسىن تاباتىن بولادى.

بۇگىن پاريجدە وتەتىن XXXIII جازعى وليمپيادا ويىندارىنىڭ باستالۋىنا تۋرا 100 كۇن قالدى. 26-شىلدە مەن 11-تامىز ارالىعىندا وتەتىن سىندا الەمنىڭ ەكى جۇزگە تارتا ەلىنەن 10 مىڭنان استام سپورتشى باق سىناماق.

اۆتوركۇنسۇلتان وتارباي