- مادەنيەت جانە اقپارات جانە ىشكى ىستەر مينيسترلىكتەرى بىرلەسىپ ءبىلىم تۋرالى جالعان ديپلومداردى دايىنداۋ جانە ساتۋ فاكتىلەرىن انىقتاۋ، سونداي-اق وسىنداي زاڭسىز ارەكەتتىڭ جولىن كەسۋ بويىنشا تۇراقتى نەگىزدە جۇمىستاردى ىسكە اسىردى. اتالعان جۇمىستاردىڭ ناتيجەسىندە ءى ءى م- مەن بىرلەسىپ بيىل ينتەرنەت-رەسۋرستارىنداعى بىرنەشە پاراقشا مەن اككاۋنتتار بۇعاتتالدى، - دەلىنگەن ۆەدومستۆو اقپاراتىندا.
اتاپ ايتقاندا، قازاقستان رەسپۋبليكاسىنىڭ قىلمىستىق كودەكسىنىڭ 385-بابىنا سايكەس، جالعان قۇجاتتاردى جاساۋ ارەكەتىنە 2000 ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى نەمەسە سول مولشەردە تۇزەۋ جۇمىستارىنا، 600 ساعاتقا دەيىنگى مەرزىمگە قوعامدىق جۇمىستارعا تارتىلادى. سونىمەن قاتار 2 جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ جازاسى قاراستىرىلعان.
- جالعان قۇجاتتى پايدالانعاندارعا 160 ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى نەمەسە سول مولشەردە تۇزەۋ جۇمىستارىنا، سونداي-اق 160 ساعاتقا دەيىنگى مەرزىمگە قوعامدىق جۇمىستارعا تارتىلادى. بۇدان بولەك، وسىنداي زاڭسىز اركەتكە بارعاندار 40 تاۋلىككە دەيىنگى مەرزىمگە قاماققا الىنادى، - دەپ اتالىپ وتكەن كوميتەت مالىمەتىندە.
ايتا كەتەيىك، قازىرگى كەزدە 46 جالعان ديپلوم جانە ولاردى زاڭسىز دايىنداۋمەن اينالىسقان 20 ينتەرنەت-رەسۋرس انىقتالدى.
بۇعان دەيىن ش ق و- دا جالعان ديپلوم جاساتقان جاتتىقتىرۋشى جازالاندى.
ەسكە سالساق، ديپلومداردىڭ زاڭسىز اينالىمىن بولدىرماۋ ءۇشىن مينيسترلىك ديپلومداردىڭ بازاسىن قۇردى.