ل گ ب ت قوزعالىسى ەلىمىزدە ەكسترەميستىك دەپ تانىلۋى مۇمكىن بە

استانا. KAZINFORM - ل گ ب ت قوزعالىسى ەلىمىزدە ەكسترەميستىك دەپ تانىلۋى مۇمكىن بە؟ ءماجىلىس دەپۋتاتتارىنىڭ وسى ماسەلەگە قاتىستى ساۋالىنا پرەمەر-مينيستر ولجاس بەكتەنوۆ جاۋاپ بەردى.

«قۇقىق قورعاۋ ورگاندارىنىڭ دەرەكتەرى بويىنشا ەلىمىزدە «كالەيدوسكوپ»، «Feminita» جانە «KazFem» دەگەن 3 بەيرەسمي بىرلەستىك جۇمىس ىستەيدى، ولاردىڭ قىزمەتى ءداستۇرلى ەمەس جىنىستىق باعىتتاعى ايەلدەردىڭ قۇقىقتارى مەن بوستاندىقتارىن قورعاۋمەن، ونىڭ ىشىندە قوعامدا ل گ ب ت- قوعامداستىعىنىڭ وكىلدەرىنە دەگەن تولەرانتتى كوزقاراستى ىلگەرىلەتۋمەن بايلانىستى. كورسەتىلگەن بىرلەستىكتەر بيىل جەرگىلىكتى اتقارۋشى ورگاندارمەن كەلىسپەي، توپتىق اكسيالار ۇيىمداستىرعان. بۇل جاعدايدا ولاردىڭ ارەكەتى قازاقستان رەسپۋبليكاسىنىڭ بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزۋ بولىپ سارالاندى (ا ق ب ت ك-نىڭ 488-بابى بويىنشا 2 بەلسەندى اكىمشىلىك جاۋاپكەرشىلىككە تارتىلدى). ءوز كەزەگىندە ل گ ب ت قوزعالىسىن ەكسترەميستىك دەپ تانۋدى حالىقارالىق قۇقىق قورعاۋ ۇيىمدارى ازاماتتاردىڭ سەنىم ءبىلدىرۋ جانە قوعامدىق بىرلەستىكتەرگە قاتىسۋ بوستاندىعى قۇقىقتارىن بۇزۋ رەتىندە قاراستىرۋى مۇمكىن»، - دەدى ۇكىمەت باسشىسى جاۋابىندا.

ونىڭ اتاپ وتۋىنشە، ءبىرقاتار ەلدىڭ زاڭناماسى ل گ ب ت-نى كامەلەتكە تولماعاندار اراسىندا «ناسيحاتتاۋدى» شەكتەيدى. الايدا بۇل شارالار تەك بۇقارالىق تۇرعىدان قاراستىرىلادى جانە مۇنداي قوزعالىستاردى ەكسترەميستىك دەپ جىكتەۋگە قاتىسى جوق.

«سونىمەن بىرگە بيىل مادەنيەت جانە اقپارات مينيسترلىگى ل گ ب ت-نى اشىق جانە جاسىرىن ناسيحاتتاۋعا قارسى پەتيتسيانى قارايتىن جۇمىس توبىن قۇردى. ونىڭ قۇرامىنا پارلامەنت دەپۋتاتتارى، قوعامدىق بىرلەستىكتەردىڭ، مۇددەلى مەملەكەتتىك ورگانداردىڭ وكىلدەرى كىردى. ناتيجەسىندە «جاسوسپىرىمدەر مەن بالالاردى سەكسۋالدىق قاتىناستاردى ناسيحاتتاۋدان قورعاۋ، ساقتاۋ تۋرالى» تالاپ بولىگىندە پەتيتسيانى ءىشىنارا قاناعاتتاندىرۋ تۋرالى شەشىم قابىلداندى. وسىعان بايلانىستى قازىرگى ۋاقىتتا مۇددەلى مەملەكەتتىك ورگاندار ل گ ب ت قوزعالىسىنىڭ كامەلەتكە تولماعاندارعا الەۋمەتتىك، پسيحولوگيالىق، مەديتسينالىق جانە باسقا ىقپال ەتۋ فاكتورلارىن زەرتتەۋدە. بۇدان باسقا، 2025 -جىلى وسى ماسەلە بويىنشا عىلىمي-زەرتتەۋ جۇمىسىن جۇرگىزۋ جوسپارلانعان. بارلىق قاجەتتى زەرتتەۋلەر اياقتالعاننان كەيىن وسى سالانى رەتتەۋ بويىنشا قوعامدىق تالقىلاۋ ۇيىمداستىرىلادى. جالپى ماسەلە ۋاكىلەتتى ورگاندار مەن ۇكىمەتتىڭ باقىلاۋىندا»، - دەدى ۇكىمەت باسشىسى.

ايتا كەتەيىك، ءماجىلىس دەپۋتاتى رينات زايىتوۆ فەمينيتا قاۋىمداستىعىنا قازاقستان رەسپۋبليكاسىنىڭ اۋماعىندا شەكتەۋ قويۋ كەرەك ەكەنىن ءمالىم ەتكەن بولاتىن.

اۆتور
مارلان جيەمباي