ل گ ب ت- نى ناسيحاتتاۋعا تولىقتاي تىيىم سالۋ كەرەك - رينات زايىتوۆ

استانا. KAZINFORM - ءماجىلىس دەپۋتاتى رينات زايىتوۆ فەمينيتا قاۋىمداستىعىنا قازاقستان رەسپۋبليكاسىنىڭ اۋماعىندا شەكتەۋ قويۋ كەرەك ەكەنىن ءمالىم ەتتى.

«بۇگىنگى جولداناتىن ساۋال - شەگىنە جەتكەن شىدامنىڭ، تاپتالۋدان ءتوزىمى تاۋسىلعان نامىستىڭ اشى داۋىسى دەپ تۇسىنىڭىزدەر. قازاقستان مەملەكەتى تاۋەلسىزدىك العالى ەسىگىنەن دوستا، دۇشپان دا ەركىن كىرە باستادى. ول جاسىرىن ەمەس. دوسپەن تابىسىپ، باۋىرىمىز بۇتىندەلدى دەپ قۋانعانىمىزبەن، ارام پيعىلدارىن ىسكە اسىرۋعا كەلگەن دۇشپاندار جانىمىزدى اۋىرتىپ، جۇرەگىمىزدى جۇلۋعا ءسال قالىپ تۇر. سولاردىڭ بىرەگەيى قازاق جاستارىن ازعىنداتىپ، بولاشاعىمىزدىڭ تامىرىنا بالتا شاپقىسى كەلەتىن الەمدىك دەڭگەيدەگى جاۋىز ۇيىم – ل گ ب ت مەن فەمينيتا قاۋىمداستىعى. از عانا ۋاقىتتا جاستارىمىزدى ازعىندىققا جەتەكتەگەن جەكسۇرىن ۇيىمدار بۇگىندە مەملەكەتتىڭ ارەكەتسىزدىگىنەن ابدەن باسقا شاۋىپ، توسكە ورلەدى... وسىدان كەيىن ەش جازاعا تارتىلماسىنا كوزى جەتكەن ازعىندار كۇنى كەشە الماتىدا قۇرىلتاي وتكىزەتىنىن اشىق حابارلادى. ءالميساقتان ەل مەن جەردىڭ، ۇلىس پەن ۇلتتىڭ تاعدىرى تالقىلاناتىن قۇرىلتاي دەگەن قاستەرلى ۇعىمدى وسىنشا تومەندەتكەندە ءبىز نەگە قاراپ قالۋىمىز كەرەك؟! مەملەكەت باسشىسىنىڭ ءوزى ۇيلەستىرگەن ەلىمىزدىڭ ۇلتتىق قۇرىلتايىنىڭ ماڭىزى مەن ماعىناسىنا نۇقسان كەلتىرەتىن بۇل فەمينيتا ازعىندارىنا نەگە توقتاۋ جوق؟!»، - دەدى ر. زايىتوۆ پرەمەر-مينيستر ولجاس بەكتەنوۆ پەن باس پروكۋرور بەرىك اسىلوۆتىڭ اتىنا جولداعان ساۋالىندا.

وسى ورايدا دەپۋتات ولاردىڭ ارتىندا كىم تۇرعانىن، ولارعا قارجى بولەتىن كىمدەر ەكەنىن جانە ولاردىڭ كوزدەگەن ءتۇپ ماقساتى نەدە جاتقانىن انىقتاۋدى سۇرادى.

«قۇقىق قورعاۋ ورگاندارى ل گ ب ت ۇيىمىنا كەلگەندە «ءتارتىپتى قاۋقارسىز» بولا قالا ما؟ جوعارىدا ايتىلعانداردى ەسكەرە وتىرىپ، سىزدەن (باس پروكۋرار ب. اسىلوۆ) قازاقستان رەسپۋبليكاسىنىڭ 2005 -جىلعى 18-اقپانداعى «ەكسترەميزمگە قارسى ءىس-قيمىل تۋرالى» № 31 زاڭىنىڭ 1-بابىنا سايكەس، فەمينيتا قاۋىمداستىعىنا قازاقستان رەسپۋبليكاسىنىڭ اۋماعىندا شەكتەۋ قويۋدى جانە ل گ ب ت- نى ناسيحاتتاۋعا تولىقتاي تىيىم سالۋلارىڭىزدى تالاپ ەتەمىز»، - دەدى دەپۋتات.

بۇدان بۇرىن حابارلانعانداي، بيىل ماۋسىم ايىنىڭ باسىندا E- Petition.kz» رەسمي پورتالىندا «ءبىز ق ر- داعى ل گ ب ت- نى اشىق جانە جاسىرىن ناسيحاتتاۋعا قارسىمىز» پەتيتسياسى رەسمي قارالۋى ءۇشىن قاجەتتى قول جينادى.

بيىل كوكتەمدە AMANAT پارتياسى ماجىلىستەگى فراكسياسىنىڭ دەپۋتاتتارى جاناربەك ءاشىمجان مەن اسحات ايماعامبەتوۆ «ماس-مەديا تۋرالى» زاڭعا ل گ ب ت وكىلدەرى تۋرالى ب ا ق-تا جازۋعا تىيىم سالاتىن تۇزەتۋلەر ۇسىندى.

اۆتور

رۋسلان عابباسوۆ