ەل اۋماعىندا كۇن سۋىپ، ۇسىك جۇرەدى

الداعى كۇندەرى كۇن رايىنىڭ تۇراقسىز سيپاتى ەلدىڭ سولتۇستىگىندە، شىعىسىندا، وڭتۇستىگى مەن وڭتۇستىك-شىعىسىندا ءالى دە ساقتالادى.

سونداي-اق نايزاعاي مەن ەكپىندى جەل، بۇرشاق كۇتىلەدى. وڭتۇستىك-شىعىستاعى تاۋلى ايماقتاردا قار ارالاس جاڭبىر بولجانادى. قازاقپارات بۇل تۋرالى «قازگيدرومەت» ر م ك- عا سىلتەمە جاساپ حابارلايدى.

21-قىركۇيەكتە - وڭتۇستىكتە، 21-23- قىركۇيەكتە - شىعىستا، 21-22- قىركۇيەكتە وڭتۇستىك-شىعىستا - قاتتى جاڭبىر، وڭتۇستىك-شىعىستىڭ تاۋلى ايماقتارىندا قاتتى جاۋىن-شاشىن كۇتىلەدى.

قازاقستاننىڭ تەك باتىسىندا، سولتۇستىك-باتىسىندا، باتىس انتيتسيكلونىنىڭ ىقپالىمەن كۇن رايى اشىق بولادى.

ەلدىڭ باتىسىندا، سولتۇستىگى مەن ورتالىعىندا تۇنگى جانە تاڭەرتەڭگى ۋاقىتتاردا تۇمان بولجانادى.

تۇندە رەسپۋبليكانىڭ سولتۇستىگىندە، سولتۇستىك-باتىسىندا جانە ورتالىعىندا توپىراق بەتىندە -1 گرادۋس ۇسىك جۇرەدى.

اۋا تەمپەراتۋراسى كۇندىز باتىس وڭىرلەردە 24-30 عا دەيىن، ەلدىڭ سولتۇستىك-باتىسىندا 15-27 گە دەيىن كوتەرىلەدى. سولتۇستىك اۋماقتا 10-16 گرادۋسقا دەيىن تومەندەيدى، ورتالىقتا 10-23 جىلى بولادى. شىعىستا تەمپەراتۋرا باعامى 10-15 كە دەيىن ءتۇسىپ، وڭتۇستىكتە 20-28 گە دەيىن جوعارىلايدى. وڭتۇستىك-شىعىستا 12-22 گرادۋسقا دەيىن، تاۋلى اۋدانداردا 2-10 گرادۋسقا دەيىن تومەندەيدى.