- 8- 10-قازاندا اتموسفەرالىق فرونتالدى بولىكتەردىڭ وتۋىنە بايلانىستى قازاقستاننىڭ باسىم بولىگىندە اۋا رايىنىڭ تۇراقسىز سيپاتى ساقتالادى، جاڭبىر جاۋادى. ەلدىڭ سولتۇستىك- باتىسىندا، سولتۇستىگىندە جانە شىعىسىندا جاڭبىر جانە سۋلى قار تۇرىندە جاۋىن-شاشىن كۇتىلەدى، شىعىسىندا كوكتايعاق قۇبىلىستارى بولجانادى. تەك رەسپۋبليكانىڭ باتىسى مەن وڭتۇستىگىندە انتيتسيكلوننىڭ اسەرىنەن جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەلدىڭ كۇشەيۋى بولجانادى، تۇنگى جانە تاڭەرتەڭگى ساعاتتاردا تۇمان كۇتىلەدى، - دەلىنگەن حابارلامادا.
ەلدىڭ باتىسىندا تۇندە اۋا تەمپەراتۋراسىنىڭ نەگىزگى فونى 5 16 گرادۋس، كۇندىز 17 22 گرادۋستان 22 27 گرادۋسقا دەيىن جوعارىلايدى.
سولتۇستىك- باتىستا، سولتۇستىكتە جانە ورتالىقتا تۇندە اۋا تەمپەراتۋراسى 3 13 گرادۋستان -1-6 گرادۋسقا دەيىن تومەندەيدى، كۇندىز اۋا تەمپەراتۋراسىنىڭ نەگىزگى فونى 10 17 گرادۋس بولادى.
شىعىستا تۇندە اۋا تەمپەراتۋراسىنىڭ نەگىزگى فونى 0، 8 گرادۋس، كۇندىز 10 15 گرادۋستان 2 7 گرادۋسقا دەيىن تومەندەيدى.
وڭتۇستىكتە جانە وڭتۇستىك- شىعىستا تۇندە اۋا تەمپەراتۋراسىنىڭ نەگىزگى فونى 3 10 گرادۋس، تاۋلى اۋدانداردا 2 گرادۋسقا دەيىن ۇسىك كۇتىلەدى. كۇندىز اۋا تەمپەراتۋراسى 17 25 گرادۋس، تاۋلى اۋدانداردا 12 17 گرادۋس بولادى.
بۇعان دەيىن بۇگىن قازاقستاننىڭ ءبىرقاتار وڭىرىندە 8 قازانعا ەسكەرتۋ جاريالانعانىن جازدىق. سينوپتيكتەر كەي ايماقتاردا قار، كوكتايعاق، تۇمان جانە 30 م/س-قا دەيىن جەتەتىن قاتتى جەل بولاتىنىن ەسكەرتتى. الداعى ءۇش كۇندە كۇن سۋىتىپ، كەي جەرلەردە ۇسىك جۇرەدى.