استانا. قازاقپارات - كۇزدەگى ەڭ پايدالى ءونىم - قىرىققابات. ول س دارۋمەنىنە باي، ال ونىڭ شىرىنى قابىنۋعا قارسى اسەرگە يە. بۇل تۋرالى ريا نوۆوستي باسىلىمىنا بەرگەن سۇحباتىندا تەراپەۆت اناستاسيا ياكيموۆا ايتتى.
«كۇزدىڭ باستى ءونىمى - قىرىققابات. ونىڭ قۇرامىندا س دارۋمەنى ليمونداعىدان دا كوپ. 100 گرامىندا تاۋلىك نورماسىنىڭ 70 پايىزىنا دەيىن بار»، - دەدى دارىگەر.
ونىڭ ايتۋىنشا، قىرىققابات شىرىنى بۇرىن جارا جازۋعا جانە اسقازان قابىنۋىن ەمدەۋگە قولدانىلعان.
«قىرىققابات جاپىراقتارىندا س، ك دارۋمەندەرى، ۆ توبىنىڭ دارۋمەندەرى، ورگانيكالىق قىشقىلدار، سونداي-اق، ميكروبتارعا قارسى اسەر ەتەتىن فيتونسيدتەر بار. قىرىققابات جاپىراعى اۋىرسىنۋدى باسىپ، ىسىكتى قايتارۋعا قابىلەتتى دەپ ەسەپتەلگەن. قازىرگى زەرتتەۋلەر دە قىرىققابات شىرىنىنىڭ قابىنۋعا قارسى اسەرىن راستايدى»، - دەدى ول.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан