«كۇز، كەز، كوز، كۇش، كەش، كوش...»: شاۆكات راحمونوۆ تۋرالى انيماتسيالىق ۆيدەو شىقتى

ارالاس جەكپە-جەك تاقىرىبىنا ارنالعان مۋلتفيلمدەر جاساۋمەن اينالىساتىن سۋرەتشى مودجاحەد فۋدايلات ءوزىنىڭ YouТube-ارناسىنا قازاقستاندىق فايتەر شاۆكات راحمونوۆ (18-0) پەن امەريكالىق ستيۆەن تومپسوننىڭ (17-7-1) ايقاسىنا ارنالعان ۆيدەو جاريالادى، دەپ حابارلايدى قازاقپارات.

ۆيدەودا راحمونوۆ پەن تومپسوننىڭ جەكپە-جەگىنىڭ بارىسى كورسەتىلگەن. وندا قازاقستاندىق سپورتشى وپپونەنتىن بۋىندىرۋ ادىسىمەن جەڭەدى.

UFC پرەزيدەنتى دانا ۋايت ش. راحمونوۆتى جەڭىسىمەن قۇتتىقتاعاننان كەيىن، ول قازاق تىلىندەگى جاڭىلتپاشتارمەن جاۋاپ بەرەدى.

«كۇز، كەز، كوز، كۇش، كەش، كوش، كىر، كەر، كور، كۇل، كەل، كول»، «ارقادا التى ارقار بار، قىرقادا قىرىق ارقار بار»، - دەيدى قازاقستاندىق جەكپە-جەك شەبەرى.

كەيىن UFC پرەزيدەنتى د. ۋايت شاۆكات راحمونوۆ چەمپيون لەون ەدۆاردسپەن مىندەتتى تۇردە جەكپە-جەك وتكىزۋى تيىستىگىن ايتادى. وسى كەزدە بەلال مۇحامماد شىعىپ، وزىنە مۇمكىندىك بەرۋدى، بۇل ايقاسقا ديۆيزيوندا تەك ءوزى عانا لايىقتى ەكەنىن ايتادى. بۇعان د. ۋايت ونىڭ بەتىنەن جۇرىدىقپەن ۇرىپ جاۋاپ بەرەدى.

ەسكە سالايىق، ۇستىمىزدەگى جەلتوقسان ايىندا لاس- ۆەگاس (ا ق ش) قالاسىندا 296- تۋرنيرى ءوتىپ، شاۆكات راحمونوۆ وكتاگوندا ستيۆەن تومپسونمەن كەزدەستى. بۇل جارتىلاي ورتا سالماقتاعى جەكپە- جەك ءۇش راۋندقا جوسپارلانعانىمەن، ەكىنشى راۋندتا راحمونوۆتىڭ جەڭىسىمەن اياقتالدى.

وسى جەڭىسىنەن كەيىن قازاقستاندىق فايتەر UFC- ءدىڭ جارتىلاي ورتا سالماق ساناتىنداعى رەيتينگىسىندە ءۇشىنشى ورىنعا كوتەرىلدى. ونىڭ الدىندا بەلال مۇحامماد (2-ورىن)، كامارۋ ۋسمان (1-ورىن) جانە چەمپيون لەون ەدۆاردس ورنالاسقان. كولبي كوۆينگتون بەسىنشى ورىنعا سىرعىدى.

اۆتور

گۇلميرا الياكپاروۆا