استانا. KAZINFORM - سوڭعى ءۇش جىلدا قازاقستاندا مەكتەپكە دەيىنگى ۇيىمداردا 234 مىڭ جاڭا ورىن اشىلدى. بۇل تۋرالى ق ر وقۋ-اعارتۋ ۆيتسە-ءمينيسترى جايىق شاراباسوۆ ءمالىم ەتتى.
- بۇگىندە ەلىمىزدە 12000 نان استام مەكتەپكە دەيىنگى ءبىلىم بەرۋ ۇيىمى جۇمىس ىستەپ تۇر. بۇل نىسانداردا 1 ميلليوننان استام بالا تاربيەلەنىپ جاتىر. سوڭعى جەتى جىل ىشىندە مەكتەپكە دەيىنگى ۇيىمدار جەلىسى 1483 نىسانعا ارتتى. ينفراقۇرىلىمنىڭ مۇنداي ءوسىمى جاڭا بالاباقشالار سالۋ، قولدانىستاعى نىسانداردى جاڭارتۋ جانە ولاردىڭ سىيىمدىلىعىن ارتتىرۋ، سونداي-اق جاڭا مەكتەپكە دەيىنگى ۇيىمدار مەن شاعىن ورتالىقتاردى اشۋ ارقىلى جۇزەگە اسىرىلدى، - دەدى جايىق شاراباسوۆ.
ونىڭ سوزىنە قاراعاندا، كەيىنگى ءۇش جىلدا مەكتەپكە دەيىنگى مەكەمەلەردە 234 مىڭ جاڭا ورىن اشىلدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан