كەيىنگى 11 جىلدا العاش رەت ەرتىس جايىلماسىنىڭ 90 پايىزىن سۋ باسادى
پاۆلودار. KAZINFORM - شىعىس قازاقستانداعى سۋ قويمالارىنان ەرتىس وزەنىنە شامامەن 6,5 ميلليارد تەكشە مەتردەن استام سۋ جىبەرىلەدى دەپ جوسپارلانعان. بۇل كولەم وزەن جايىلمالارىنىڭ %90- ىن تىرشىلىك نارىمەن قامتاماسىز ەتۋگە جەتكىلىكتى.
بۇل تۋرالى پاۆلودار وبلىسىنىڭ اكىمى اسايىن بايحانوۆ Telegram-داعى پاراقشاسىندا جاريالادى.
«ايماق بۇقتىرما مەن ءشۇلبى سۋ قويمالارىنان جوسپارلى تۇردە تابيعاتتى قورعاۋ ماقساتىندا جىبەرىلەتىن سۋدى قابىلداۋعا دايىندالىپ جاتىر. بيىل سوڭعى 11 جىلدا ەڭ ۇلكەن كولەمدە سۋ كەلەدى دەپ جوسپارلانعان، 6,5 ميلليارد تەكشە مەتردەن استام. جايىلمانىڭ �- ىن دەرلىك سۋ باسادى. جەرگىلىكتى اتقارۋشى ورگاندار توتەنشە جاعدايلار دەپارتامەنتىمەن بىرلەسىپ بارلىق بوگەتتى تەكسەرۋدە. بوگەتتەردى جاڭارتۋ جانە جاعالاۋدى نىعايتۋ جۇمىستارى پاۆلودار قالاسىنىڭ كەنجەكول اۋىلى مەن اتامەكەن كەنتىندە، اقسۋ قالاسىنىڭ م ا ە س شاعىن اۋدانىندا، سونداي-اق، ماي، اقتوعاي، تەرەڭكول جانە اققۋلى اۋداندارىنىڭ جاعالاۋ بويىندا ورنالاسقان اۋىلدارىندا باستالدى. سۋدىڭ تۇرعىندارعا زيانىن تيگىزبەي جانە ءوڭىردىڭ ەكوجۇيەسى مەن اگرارلىق سەكتورى ءۇشىن بارىنشا پايدالى بولۋىن قامتاماسىز ەتۋ - بارلىق دەڭگەيدەگى اكىمدەردىڭ باستى مىندەتى»، - دەپ مالىمدەدى ءوڭىر باسشىسى.
سۋ بوساتۋ شارالارى ءساۋىر ايىنىڭ ورتاسىندا باستالۋى مۇمكىن.
سونداي-اق اكىم قازىر وڭىردەگى سۋ تاسقىنى جاعدايى تۇراقتالعانىن، وبلىستا ءار ءتۇرلى دارەجەدە 38 تۇرعىن ءۇي زارداپ شەككەنىن حابارلادى. سونىڭ ىشىندە 24 ءۇيدىڭ يەسىنە كەلتىرىلگەن زالالدىڭ وتەماقىسى تولىق تولەندى. قالعان 14 ءۇيدىڭ يەسى تولەمدى وسى اپتانىڭ سوڭىنا دەيىن الادى.
ەسكە سالا كەتەيىك، بيىل ەرتىسكە سۋ بوساتاتىن وزەن باسسەيندەرىندە ىلعال جەتكىلىكتى.
بۇعان دەيىن پاۆلودارداعى اقكول - جايىلما القابىنا سۋ بوساتۋ شاراسى باستالدى.
ماماندار ەرتىس وزەنىندەگى سۋ دەڭگەيى قازىرگى ۋاقىتتا قالىپتى ساقتالىپ تۇرعانىن حابارلادى.
اۆتور
مۇرات اياعان