كەيىنگى 10 جىلدا جەر بەتىندەگى تەمپەراتۋرا رەكوردتىق مەجەگە جەتتى
21:09, 20 - ناۋرىز 2025
استانا. قازاقپارات - كەيىنگى ون جىلدىقتا جەر بەتىندەگى ورتاشا تەمپەراتۋرا رەكوردتىق كورسەتكىشكە جەتتى، دەپ حابارلايدى 24kz.
ال اتموسفەراداعى كومىرقىشقىل گازى كەيىنگى 800 جىلدا بولماعان مەجەگە دەيىن ارتقان. بۇل تۋرالى دۇنيەجۇزىلىك مەتەورولوگيالىق ۇيىمنىڭ جىل سايىنعى بايانداماسىندا جازىلعان.
ماماندار وعان ادامداردىڭ قازبالى وتىنداردى كوپ جاعۋ سەكىلدى ءىس-ارەكەتى سەبەپ بولعانىن ايتادى. سالدارىنان بىلتىر مەتەوباقىلاۋ تاريحىنداعى ەڭ ىستىق جىل بولدى. جاھاندىق جىلىنۋعا بايلانىستى تابيعات اپاتتارى جيىلەپ كەتكەن. سودان كەيىنگى 16 جىلدا الەمدە «كليماتتىق بوسقىنداردىڭ» سانى رەكوردتىق مەجەگە جەتكەن. ماماندار بۇل جاعداي ازىق-تۇلىك داعدارىسى جانە وزگە دە ەكونوميكالىق پروبلەمالاردىڭ ورشۋىنە اكەپ سوقتىرعانىن ايتادى.